O concello de Santiago critica que o requirimento de emenda da petición non fora acompañada de informes técnicos e só contara coa sinatura do Director Xeral do IGVS.
A reunión mantida este mediodía entre o concello de Santiago e técnicos do IGV acudiu o concelleiro Iago Lestegas e dous técnicos municipais. O encontro deixa un escenario máis favorable á declaración de zona residencial tensionada aínda que desde o concello critícase o xeito de proceder co expediente. deixa un escenario máis favorable á declaración de zona residencial tensionada aínda que desde o concello critícase o xeito de proceder co expediente.
Nun comunicado emitido polo concello de Santiago informase de que o IGVS recoñece que en Compostela se dan as características para a declaración. O concello destaca que no expediente tramitado o requirimento de emenda non vai acompañado de informes e só está asinado polo Director Xeral do IGVS polo que consideran que “recolle a súa visión”.
Baseándose en esto o concello presentará nos próximos días un recurso de reposición para que o IGVS retrotraia o procedemento, pois considera que a tramitación non foi adecuada e non procedía dalos por desistidos.
Pero o concello de Santiago buscará tamén unha mellor situación adaptando a memoria xustificativa e o proxecto de plan de medidas correctoras para axustala ás esixencias do IGVS. O concello considera que non sería necesario, xa que esas peticións non estaban fundamentadas, pero buscará deste xeito a declaración de zona residencial tensionada.
Santiago eliminará da memoria os datos non oficiais, deixando só os oficiais que xa constaban na documentación; incorporará datos reclamados polo director xeral do IGVS aínda que insisten en que non son legalmente esixibles (antigüidade e estado do parque inmobiliario, número de transaccións inmobiliaras, etc) e concretará máis o alcance de algunhas das medidas correctoras propostas.
Unha situación na que ambas as dúas administracións manteñen as súas posturas inicias pero facilitan un camiño que permita a declaración de zona residencial tensionada.
