Compostela, 26 de xullo do 2022 – O Grupo de Cidades Patrimonio da Humanidade de españa reuniuse esta fin de semana en Santiago e celebrou unha asemblea extraordinaria.
Na reunión decidiron outorgar o Premio Patrimonio 2023 á galerista e colecionista Helga de Alvear. O Presidente do Grupo e alcalde de Salamanca, Carlos García Carbayo, destacou que “a decisión foi tomada por unanimidade e con este premio queremos recoñecer a xenerosidade e empeño de Helga de Alvear para que o o centro histórico de Cáceres acolla unha das coleccións privadas de arte contemporánea máis importantes de Europa”.
García destacou tamén “O seu extenso labor como coleccionista, filántropa e mecenas que fixo posible a creación dun novo Museo de Arte Contemporánea que amplía o patrimonio artístico de todos os españois. Igualmente transcendente é a posta en valor da arquitectura e o urbanismo do centro histórico cacereño, incorporando de maneira harmoniosa a difusión da cultura contemporánea ao Patrimonio Histórico da cidade”.
O presidente do Grupo, Carlos García Carbayo, anunciou que a entrega do Premio Patrimonio farase efectiva o 11 de novembro no marco da Asemblea Xeral do Grupo que se celebrará en Cáceres.
Coa presenza de máis de 500 artistas dos cinco continentes, o Museo de Arte Contemporánea conta con máis de 3.000 m2 de espazo expositivo e case 8.000 m2 de superficie. O Grupo destaca que “Helga de Alvear achegou o 50% dos fondos necesarios para a construción do edificio de nova planta deseñado polo premiado estudo Tuñón Arquitectos, foi ela quen adquiriu o inmoble onde se sitúa dita ampliación e tamén financiou o proxecto arquitectónico. O edificio deseñado por Emilio Tuñón difumina fronteiras entre o centro histórico de Cáceres, Patrimonio da Humanidade, e a parte máis moderna da cidade, creando así unha vía de comunicación fluída entre o pasado e o presente”.
Pola súa banda, o alcalde de Santiago, Xosé Sánchez Bugallo, lembrou que “en 2021 gañou o Premio Patrimonio a Fundación Catedral de Santiago de Compostela, en recoñecemento á importancia do proxecto de restauración e rehabilitación do conxunto histórico monumental dunha xoia única no patrimonio mundial. Ese Premio tivo gran repercusión e por suposto supuxo un recoñecemento para a Catedral e tamén para o potente atractivo turístico da cidade”.
A Delegación do Grupo de Cidades Patrimonio camiñou na mañá do domingo desde o Monte do Gozo ata a Praza do Obradoiro. Esa tarde tivo lugar a asemblea extraordinaria. Pola noite tiveron unha cea privada con toda a corporación antes de presenciar os Fogos do Apóstolo desde unha terraza.
Onte luns asistiron á celebración litúrxica da Solemnidade do Apóstolo Santiago na Catedral, durante a cal A súa Maxestade o Rey Felipe VI presentará a Ofrenda Nacional ao Apóstolo, acompañado da Raíña e das súas fillas, as infantas Sofía e Leonor.