Bisbarra, 3 de abril do 2023 – O restaurante a Horta do Obradoiro, en Compostela, acolleu a presentación da 31º edición da Festa do Melindre e da Repostería Tradicional de Melide.
Na presentación participaron o alcalde de Melide, José Antonio Pérez; Xosé Igrexas, concelleiro de promoción económica; e Kike Piñeiro e Eloy Cancela, nomeados no 2022 embaixadores do Melindre.
Kike Piñeiro dixo declararse “melindreiro e cociñeiro. Non podo describir a felicidade que supón para min ser embaixador dun produto que me gusta tanto. Un produto cargado de enerxía, e de enerxía positiva”.
O concelleiro Xosé Igrexas dixo pola súa banda “esta programación é literalmente un mar de doces que vai salpicar de actividades a nosa rúa. Por segundo ano temos tres espazos con tres nomes, espazo Melindre, espazo Amendoado e espazo Rico!” e fixo un repaso pola gran variedade de actividades que terá a Festa do Melindre.
Tedes a programación completa da Festa do Melindre en este enlace
Lindeiros aproveito para falar co alcalde, José Antonio Pérez, quen explica que o obxectivo e mellorar, si se pode, a edición do ano anterior
Non nos resistimos á tentación de mencionar que a Festa do Melindre será xusto antes da campaña electoral. José Antonio Pérez cre que hai que diferenciar as cousas, que esta será unha festa tradicional e que probablemente e campaña non será tan doce
O 13 e 14 de maio hai unha cita en Melide coa 31º edición da Festa do Melindre e da Repostería Tradicional, unha oportunidade de divertirse e desfrutar antes da saturación e das incógnitas dunha campaña que se presenta como moi interesante en toda a bisbarra.
