Compostela, 10 de marzo do 2023 – O vindeiro día 22 , na Capela Real do Hostal dos Reis Católicos, Down Compostela entregará os galardóns da décima edición dos seus premios.
Os X Premios Down Compostela forman parte da celebración do Día Mundial da Síndrome de Down que se celebra o 21 de este mes. A cita do día 22 será ás oito e media da tarde e serán as persoas con síndrome de Down e outras discapacidades intelectuais as responsables de conducir o acto.
A Fundación Down Compostela acordou nesta ocasión recoñecer cos seus premios á empresa Burger King, polo seu firme compromiso coa integración laboral das persoas coa Síndrome de Down; á escola de música Play, por entender como poucos que o mundo da arte, neste caso o da interpretación musical, non ten fronteiras; e ao empresario José María Fernández ‘Chema’, pola súa inquebrantable compromiso coa familia Down desde o mesmo momento en que naceu Down Compostela, incluso un pouco antes.
Premiados en edicións anteriores
Na primeira edición dos Premios Down Compostela, celebrada no 2012, foron galardoados o Concello de Santiago, a empresaria Sofía Cebro e Julio Castro Marcote, director do Hostal dos Reis Católicos. O ano pasado, tras quedar suspendidos no 2020 e 2021 pola pandemia, forón para a doutora María José Fernández Seara, o artista Xurxo Martiño e a empresa Emetel.
