Compostela, 9 de marzo do 2023 – A xornalista Rosalía Quiroga ven de gañar o Premio Xohana Torres polo ensaio “Mal Olladas”, un galardón que forma parte dos actos conmemorativos do 8 de marzo, Día Internacional da Muller.
Mal Olladas narra segundo a autora “”o proceso de caza de bruxas nos comezos da Idade Moderna” a partir de entrevistas con mulleres do Baixo Miño pretende afondar nos “estereotipos sobre as mulleres e as identidades disidentes”.
O xurado estivo integrado pola concelleira de Igualdade Mercedes Rosón e as profesoras da USC Erika Jaráiz, Montserrat Pena, Guadalupe Jiménez, Patricia Fra, Alba Silva e Diana Peláez. O galardón está dotado con 2.500 euros.
A gañadora contaba para os medios ao final do acto algo do que a levou a facer este traballo, a necesidade de seguir eliminando estereotipos en todo o relativo á muller
Convocatoria Premio Xohana Torres 2023
O Concello abriu onte o prazo de presentación de obras para a edición 2023 do Premio Xohana Torres de ensaio, investigación e creacións audiovisuais sobre as mulleres na sociedade galega. O prazo permanecerá aberto ata o 29 de decembro de 2023 ás 14:00 h.
A esta nova convocatoria pode concorrer calquera persoa física ou agrupacións de persoas sen personalidade xurídica e os traballos deben tratar da participación social e política das mulleres e ter como obxectivo reconstruír a súa memoria histórica. Poden ser ensaios literarios ou científicos, mais tamén pezas audiovisuais sobre as mulleres galegas.
Cada premio, un na modalidade de ensaio e outro na modalidade de creación audiovisual, estarán dotados con 2.500 €, que cubrirán os dereitos de edición das obras por parte do Servizo de Publicacións da USC.
