Compostela, 11 de xaneiro do 2023 – Santiago acolleu a presentación da nova edición do XVI Premio de Novela Europea Casino de Santiago, que mantén abertas as votacións ata o vindeiro día 17.
O Premio de Novela Europea xira este ano arredor das novelas ‘El amor en caso de emergencia’, da alemana Daniela Krien; ‘La vida verdadera’, da belga Adeline Dieudonné; ‘Llévame a casa’, do extremeño Jesús Carrasco; ‘O cervo e a sombra’, de Diego Ameixeiras, e ‘Volver la vista atrás’, do colombiano Juan Gabriel Vázquez.
El Corte Inglés de Santiago acolleu a presentación na que participaron Valentín García, Secretario Xeral de Política Lingüística; Ubaldo Rueda, presidente do Casino de Santiago; Maribel Martín, directiva do Casino e Fuencisla Cig, directora de Comunicación do centro comercial.
O xurado está dividido e dúas partes que teñen un peso similar no resultado final. A cidadanía pode votar as novelas nas librerías dos centros comerciais de Santiago, Coruña Vigo, Oviedo, Gijón ou Avilés.
Por outra banda existe un xurado, que se reunirá o día 19 para dar a coñecer o gañador final, e que pertence as cidades de Santiago, Logroño, Vannes, Múnich, Santa Comba Dão e Moscova.
O Premio de Novela Europea Casino de Santiago ten entre os seus gañadores a nomes como Luis Landerio ou Tatiana Tibuleac.
