займ срочно

O pleno de Compostela serviu pata ratificar posturas sobre o radar de Conxo, a Casa da Xuventude ou a finca do Espiño

0

Compostela, 1 de decembro do 2023 – Si se aparta o ruído e as palabras grosas, o pleno municipal ordinario de Santiago só serviu para ratificar as posturas dos distintos grupos sobre os temas de actualidade na cidade.

Unha das últimas batallas retomadas pola oposición foi a da Casa da Xuventude. O pleno non deixou ningunha novidade xa que o BNG reafirmouse na intención de derrubala para “abrir Belvís á cidade”, Compostela Aberta asegurou que “nunca apoiaría o derrubo da Casa da Xuventude” e na oposición o Psoe reclama que se retome o convenio coa Deputación. O PP mentres insiste na división entre os socios de goberno mentras espera a que chegue algunha proposta ao pleno que o obrigue a posicionarse ao lado do BNG, e derrubar o edificio, ou ben elixe outro camiño que, de ser así, terá que explicar.

Radar de Conxo

A intención do Partido Popular de retirar o radar de Conxo non saíu adiante e, como xa se avanzara, seguirá funcionando aínda que se mellorará toda a sinaléctica que advirte aos condutores e estudarase o marxes que implican a imposición de sancións.

O que si se fará é unificar a limitación a 50 quilómetros por hora xa que agora hai dúas limitacións de 40 e 50. Ademais a sinal que advirte da existencia do radar colocarase antes para dar máis tempo á adecuación da velocidade aos límites.

Finca do Espiño

Si coincidiron todos os grupos na protección da contorna da finca do Espiño cunha modificación do PXOM.  O pleno aprobou de maneira inicial a modificación puntual do Plan Xeral e do PE-1 que suprime o aproveitamento lucrativo previsto na parcela privada de 8.012 m2 situada no perímetro da Finca do Espiño.

Esta finca privada na contorna ten na actualidade unha cualificación que permite a edificabilidade con usos como o asistencial, sociocultural, sanitario, hoteleiro e residencial comunitario. O que se pretende con esta modificación e seguinte do PXOM é eliminar eses usos contemplados no 2004 para preservar a contorna da Finca do Espiño.

Declaracións institucional

O Pleno aprobou tamén de xeito unánime unha declaración institucional para apoiar a equiparación real e efectivamente das persoas menores en acollemento familiar á condición de “fillo/a” e o recoñecemento de familias de especial protección ás familias acolledoras.

O acollemento familiar é un recurso social que proporciona unha familia alternativa á de orixe a aqueles nenos e nenas ou adolescentes que, por diversas razóns, non poden convivir coa súa, evitando a institucionalización de crianzas e adolescentes cuxos pais, por circunstancias persoais ou sociais, non poden facerse cargo deles e pasan a ser tutelados pola Administración por un período de tempo temporal ou permanente.

Con este acordo, o Concello de Santiago comprométese a actualizar a normativa municipal para establecer expresamente a equiparación real e efectivamente, para todos os efectos administrativos, a menores en acollemento en calquera das súas modalidades durante o tempo que o/a menor se atope baixo acollemento familiar.

Por outra banda o  Pleno apoiou de xeito unánime unha declaración institucional para o cumprimento da Iniciativa Xabarín na que se reclama o incremento de contidos infantís e xuvenís en galego nas televisións públicas. Impulsada pola Mesa pola Normalización Lingüística, a iniciativa Xabarín foi aprobada por unanimidade no Parlamento Galego en 2021, co apoio de máis de 33.000 sinaturas. Neste texto, solicítase á CRTVG o incremento da oferta en galego destinada á infancia nas canles dixitais, plataformas e aplicacións. Esta iniciativa tamén solicita aos gobernos estatal e rexional a promover as medidas precisas para garantir a opción dobrada e lexendada a galego en todas as plataformas dixitais de televisión entre outras demandas.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies