Compostela, 25 de maio do 2022 – Santiago de Compostela acollerá no vindeiro mes de outubro o VIII Congreso Mundial de Pastoral del Turismo.
Esta Pastoral Mundial sobre turismo foi presentada este martes en San Martín Pinario coa presencia do Arcebispo, Moseñor Julián Barrio; Francisco José Prieto Fernández, obispo auxiliar; Gustavo Riveiro D’Angelo, director do Departamento para la Pastoral del Turismo da Conferencia Episcopal Española e Nava Castro, Directora de Turismo de Galicia.
Unha Pastoral para reflexionar
Desde a igrexa explícase que o turismo como feito social e económico ten numerosas dimensións nas que leva traballando décadas. A anterior Pastoral tivo lugar en México hai dez anos e do 5 ao 8 de outubro próximo desenvolverase esta en Compostela.
O obxectivo é poñer en común as reflexións, experiencias e actuacións que levan a cabo en diferentes lugares do mundo. Baixo o lema “Turismo e Peregrinación. Camiños de Esperanza” revisarase a relación entre o turismo, a peregrinación e as implicacións relixiosas.
