Compostela, 31 de marzo do 2023 – O Partido Popular de Santiago denuncia o “abandono” no que se atopan as áreas recreativas de Chaián e do Refuxio e piden un mantemento periódico das mesmas.
O PP lembra que desde finais da lexislatura pasada veñen presentado iniciativas nos plenos, aprobadas por unanimidade, para acondicionar, mellorar e dar a coñecer as áreas de Chaián, compartida co concello de Trazo, e a do Refuxio, compartido con Oroso.
O PP solicita tamén que o goberno municipal se dirixa á Deputación da Coruña a fin de solicitar a súa colaboración para axustar as condicións de seguridade para o tránsito peonil na vía provincial ao seu paso polas inmediacións da área de Chaián, así como o pintado da enferruxada ponte sobre o Tambre.
O PP presentará tamén, para a súa consideración dentro da Comisión de Honras, unha proposta de accións a levar a cabo para unha posible homenaxe en lembranza de Ramón Fandiño Salgado, en atención ao seu labor de difusión e dinamización da área recreativa de Chaián.