Compostela, 1 de novembro do 2023 – Compostela acolle un ano máis o Outono Códax Festival que chega a súa decimo terceira edición con máis concertos e actividades paralelas en Madrid.
Do 3 ao 25 de novembro o Outono Códax colócase unha vez máis como un dos mellores festivais da península. En esta edición con tres citas destacables como son as de Pokey Lafarge, Nick Waterhouse e Nikki Hill. Calquera de estos artistas podería ser cabeza de cartel e o Outono consigue ter aos tres o mesmo ano.
Para abrir o Outono este venres chega a cantautora norteamericana Sunny War, que presenta o seu sexto disco “Anarchist Gospel”; toda unha referencia nun estilo tan particular como o bluegrass. A cita no Riquela con apertura de portas a partir das oito e media. Ao día seguinte na Capitol estarán os galegos Momboi antes da primera das grandes citas con Pokey LaFarge. O artistas de Illinois presenta o seu noveno traballo “In The Blossom of Their Shade”, composto durante os confinamentos da pandemia.
Outono Códax, máis que un festival
Falamos con Martín Calviño, xerente do Riquela e un dos fundadores do festival xunto con Javier Freire e Fran Villasenín. Unha das preguntas que repetimos case que cada ano, e que sempre recibe a mesma resposta, e si movementos como achegarse a Madrid significan un intento de crecer como festival. O teñen claro: son concesións necesarias pero o Outono é de Compostela e aquí seguirá.
O que non se pode negar é o prestixio que co paso do tempo foi conseguindo o festival. Ao Outono chega xente de moitas partes da península e esa é tamén a razón de que de cando en vez se organice algún concerto fora de Galicia porque as peticións para facelo son constantes.
Sempre hai unha estrela ou un artista que destaca en cada edición, en este caso como contamos ata tres figuras que poderían ser cabeza de cartel. Martín Calviño destaca en particular a Nick Waterhouse xa que costou dous anos e moitas negociacións que viñera a Compostela.
Preguntamos polo tópico das manías dos músicos. En este caso non existen; as peticións que fan teñen que ver, ademais dunhas mínimas esixencias técnicas, coa comodidade para aloxarse. Como explica Martín, son xente que está de xira moito tempo e querer estar cómodos e algo lóxico.
Martín Calviño ademais de organizador é como é lóxico un gran afeccionado á música negra e por iso ten todo o sentido preguntarlle cales dos concertos lle apetecen máis ou agarda con máis ganas.
No Outono hai que destacar o papel do patrocinador. Martín Códax leva desde a primeira edición apoiando ao festival e iso implica un compromiso pouco habitual en este tipo de acordos.
Toda a programación, datas, salas e artistas, en outonocodaxfestival.com
Entradas e abonos
Os abonos e as entradas están á venda en Santiago na Reixa Tienda-Matrioska e a través de ataquilla.com
O prezo do abono para os 4 concertos da sala Capitol é de 49 euros (máis gastos de xestión), para os 50 primeiros compradores, e de 59 euros (+gx) para o resto.
As entradas por día para os concertos da Capitol terán un prezo de 19 euros (+gg) en venda anticipada e 22 euros (+gg) en despacho de billetes.
As entradas por día para os concertos que se celebren no Riquela Club terán un prezo de 15 euros (+gg) en venda anticipada e 17 euros (+gg) en despacho de billetes.
