Compostela, 14 de xaneiro do 2025 – Hoxe está previsto que BNG, PSdeG e Compostela Aberta asinen un acordo para que Compostela teña uns orzamentos para o presente ano.
A convocatoria aos medios chegaba no serán de este luns e, aínda que todos falaban da boa marcha das conversas, supoñía unha incógnita máis sobre en que punto do labirinto se atopa o grupo municipal socialista de Compostela.
Por una lado é unha boa nova para a cidade xa que permitirá concretar economicamente o traballo de todo o ano. Pola outra banda parece ampliar a separación entre o grupo municipal socialista e o partido, sobre todo despois das contraditorias declaracións do Delegado do Goberno, Pedro Blanco, e do xa pre candidato a secretario xeral, Xosé Ramón Gómez Besteiro.
O labirinto socialista
Tanto as negociacións como o resultado das mesmas, apoiar os orzamentos do BNG e Compostela Aberta, aumenta a senda de autonomía do grupo municipal. Primeiro foi o voto en contra de reguralizar as vivendas turísticas anteriores ao cambio de normativa; Gonzalo Muçiños foi logo expedientado por negarse a cambiar o persoal de confianza e agora da a sensación de que non se contou co partido para estes acordos.
Mentres se pechaban os últimos cabos do acordo de Compostela, Gómez Besteiro presentaba a poucos metros a súa pre candidatura a secretario xeral do partido. Preguntado pola cuestión para el o que sucede é un “tema puntual”
Sen embargo Besteiro non contemplaba onte outra opción que non fora a participación do partido na negociación dos orzamentos. Hoxe saberemos se foi así pero da a sensación de que o grupo municipal socialista actuou `pola súa conta.
Se retrocedemos ata o domingo, 24 horas antes, o Delegado do Goberno e militante socialista de Compostela desde hai máis de 30 anos, Pedro Blanco, dicía nunha entrevista na Cadena SER que a situación podía “reconducirse”, algo que visto desde hoxe soaba máis a desexo que a posibilidade
Por si fora pouco o conflito a nivel local, preguntábanlle a Pedro Blanco sobre a posibilidade de ser candidato á alcaldía da cidade, algo que parecía sorprendelo pero ao que non dicía que non
Esta idea resulta cando menos sorprendente porque o actual líder local, Aitor Bouza, parece descartado cando só foi capa de asinar os orzamentos do ano pasado co equipo de goberno.
O PSdeG en Compostela ten un grupo municipal que vai por libre, un líder local ao que algunhas voces xa o apartan da candidatura á alcaldía e un Delegado do Goberno que non pensa en iso pero que tampouco lle parece mal. Un labirinto que ten, como todos, moitos camiños pero só unha saída. Desde a distancia mira sen presa o ex socialista Pachi Vazquez que vai colocando concelleiros de Espazo Común en distintos municipios. Sempre dixo que o seu era un proxecto a longo prazo, será a capital de Galicia a súa seguinte conquista?.
