Compostela, 4 de marzo do 2025 – A xunta de Goberno de Compostela adxudicou este luns obras de accesibilidade en 14 puntos da cidade cun investimento de máis de 229.000 euros.
A xunta aprobou tamén á redacción do proxecto de dirección de obras de reurbanización da rúa Castrón-Douro-Sar . En este caso o obxectivo, ademais da accesibilidade, e aplicar criterios similares aos da zona vella xa que se trata da vía de unión con distintos espazos verdes.
A presentación de estes traballos correo a cargo da voceira do Goberno municipal, Míriam Louzao, e o concelleiro de Vías e Obras, Xesús Domínguez. O concelleiro informou que as obras foron adxudicada á empresa Inside The Team que “ofrece como melloras a ampliación do prazo de garantía en 5 anos adicionais aos recollidos no prego, ampliación das medidas de control da calidade e ampliación das medidas de control ambiental”.
Estas obras, aliñadas cos criterios que recolle o Plan de Accesibilidade Universal de Santiago de Compostela, inclúe actuacións en 14 puntos concretos, “que se determinaron tendo en conta as incidencias remitidas pola veciñanza, visitas de campo e unha avaliación técnica para determinar as prioridades”, explicou o edil.
Puntos a mellorar
Os traballos realizaranse no paso de peóns na rúa do Río, xunto ao cruzamento coa Rúa do Lavadoiro; o paso de peóns na rúa do Lavadoiro xunto á escola infantil municipal de Meixonfrío; o cruzamento da rúa do Avío na rotonda superior da rúa; o paso de peóns na rúa do Avío; o cruzamento da rúa dos Irmandiños; o paso de peóns e a praza do aparcamento na rúa dos Xasmíns no cruzamento coa ruela da Estila; o cruzamento da rúa de Betanzos e da rúa Proxecto Vagalume, no acceso ao CEIP Apóstol Santiago; o paso de peóns en Rúa de Betanzos, xunto ao camiño peonil cara a rúa de Tomiño; o cruzamento da avda. Qurioga Palacios coa Costa do Vedor; o cruzamento en Rúa Gómez Ulla coa rúa do Hórreo; paso de peóns na rúa do Outeiro do Sar, no cruzamento coa rúa de Dublín; o paso de peóns na rúa de Dublín xunto á costa do Vieiro; o ámbito de acceso ao Centro Comercial Área Central na rúa de Berlín e na rúa de Varsovia.
As obras teñen como obxectivo a mellora da accesibilidade universal e a creación de itinerarios peonís seguros. Con este fin, levaranse a cabo traballos para a construción de pasos elevados de peóns, instalacións de pendentes de menos do 6% de inclinación, regularización dos pavimentos ou ampliación e continuidade das beirarrúas, entre outras.
Castrón Douro
No caso de Castrón Douro, Domínguez explica que se trata de “unha obra que ten por obxectivo principal mellorar a accesibilidade da zona, evitar inundacións e mellorar a calidade do espazo público, con especial atención aos espazos de convivencia para a veciñanza”.
Trátase dun proxecto que Compostela incluíu na Axenda Urbana 2030. Trátase de evitar a dispersión urbana e revitalizar a cidade existente, no que ten que ver coa reordenación dos espazos perimetrais á améndoa do casco vello e accións de conexión dos dous aneis da cidade.
O orzamento de partida é de 102.869,99 euros (IVE incluído), busca aplicar criterios de calidade urbana si miliares aos da cidade histórica, por considerarse que é a mellor forma de preservar o carácter patrimonial da zona de actuación. “Hai que ter en conta que se trata dunha rúa que forma parte dun corredor que vincula a cidade histórica co anel de espazos verdes e coa Cidade da Cultura, e que integra un conxunto patrimonial do nivel da Colexiata de Sar na súa contorna”, engadiu o concelleiro.
Parque infantil de Verdía
O executivo municipal de Compostela tamén deu luz verde ao proxecto construtivo revisado da obra do parque infantil e biosaudable na antiga estación de Verdía, que contará cun orzamento 150.000 euros (123.966,94 € + 26.033,06 € de IVE) e un prazo de execución de 40 días naturais. Este proxecto realizarase con cargo ao plan POS+ 2025 da Deputación da Coruña.
