Compostela, 2 de maio do 2023 – “Las noches de la suite” é unha proposta que reúne teatro inmersivo e gastronomía nun só evento que o vindeiro 6 de maio estrease no NH Collection de Santiago.
Paula Prendes e Raúl Mérida protagonizarán “Declaración en simulado” e o chef Nacho Martínez encargarase da gastronomía. Un formato que permite unificar unha saída ao teatro coa cena que a soe acompañar. O NH continúa con esta proposta a innovar na axenda de Compostela.
Falamos con Esteban Iglesias un dos responsables da programación do NH Collection. Comezamos preguntando por esa intención, que veñen consolidando nos últimos anos, de ser parte da programación cultural da cidade
O evento é unha oportunidade única de ver traballar aos actores moi de cerca. Ao remate da función os protagonistas sairán a falar cos espectadores co que as preguntas que as veces xorden tras asistir a un espectáculo poderán ser respondidas. Esteban Iglesias explícanos cal é un pouco o programa de esa noite no NH.
Preguntamos por como saen os espectadores dunha posta en escena tan minimalista. Esteban pode falar tamén do que se sinte nun evento de este tipo xa que o viviu en Madrid.
Las noches de la suite
Hai 8 anos que Las noches de la suite colocábase entre os grandes atractivos da carteleira madrileña ao converter a Gran Suite Presidencial do hotel NH Collection Madrid Eurobuilding nun pequeno escenario. Teatro inmersivo, concertos en pequeno formato, a cargo de recoñecidos artistas do panorama español, alta cociña e un encontro distendido cos protagonistas da proposta eran o centro do evento.
O proxecto, que continúa celebrándose con gran éxito cada fin de semana na capital española, sae agora de xira por primeira vez. O NH Collection de Compostela será a primeira parada.
A obra será a mencionada “Declaración en simulado”. Unha divertida comedia romántica protagonizada polo actor Raúl Mérida, coñecido por series como Elite, As mozas do cable ou Os Protexidos; e Paula Prendes, actriz que se deu a coñecer como presentadora en Se lo que hiciste ou Zappeando, e que participou en series como B&B, Servir e protexer, Víctor Ros, Gran Reserva ou os recente Machos Alfa. Dirixida por Darío Frías e con guión de José Palacios, conta os intentos de Aitor para declararse á súa compañeira de piso, Julia, dando pé a tenras e divertidas situacións que lle parecerán próximas a máis dun.
A experiencia gastroescénica inclúe unha selección de alta cociña concibidas ex profeso para esta ocasión polo chef Nacho Martínez. Serviranse pratos como Ourizo, centola e gambón con espuma de yuzu, Vieira en salmuera, coral e crema de herbas, Cono de xarda con piña e troita, Bóla crujiente de foie e boletus, Milhojas de queixo brie e presa ibérica con arándano, Cazuela de anguía afumada e papaya ao carbón, Shusi frito de pulled pork con thai sweet, Galo celta en bolo de vento con crema pepitoria, Mini pita de costela confitada ao ají amarelo, Chupa-chups de cenoria e chocolate ou o Mousse de coco e mango en texturas.
