Será a estrea en directo do seu proxecto e o comezo da súa xira por distintas salas. Lode prepara na actualidade o novo EP do que xa saíron 3 sinxelos.
Desde Narón chega un novo artista á música urbana, Lode comezará co seu proxecto en directo o vindeiro 4 de maio na sala Capitol de Compostela. O artista exporá a súa novidosa proposta, nunca antes vista no xénero urbano en Galicia.
O espectáculo de Lode combinará a súa versatilidade vocal e musical coa súa destreza no baile, o que dotará ao show dunha posta en escena moi diferencial dentro da escena. As entradas para este concerto están á 10€ en www.salacapitol.com.
Máis sobre Lode
LODE é o futuro do xénero urbano. Cun estilo versátil e multidisciplinar, o artista galego está abraiando ao seu público pola gran combinación nas súas composicións de sons actuais e bailables cunha gran voz.
Tras o seu éxito en redes sociais e o seu paso por programas televisivos como La Voz ou El Hormiguero, o de Narón presenta un ambicioso proxecto no que conflúen o seu talento como cantante coa posta en escena que desprende grazas ás súas capacidades como bailarín.
A súa presenza non pasou desapercibida dentro da industria musical, sendo apoiado por grandes figuras do panorama internacional e nacional como Juanes ou Álex Ubago.
Actualmente, o cantante, bailarín e compositor está preparando o seu novo traballo discográfico, que verá a luz este ano baixo o formato de EP e que conta xa cos adiantos de Carita de Ángel, Tres Tragos, TKILA, Recuerdo, Engaño e Malo será.
A presentación do mesmo terá lugar o domingo 4 de maio nun dos mellores recintos de concertos de Galicia, a histórica sala Capitol de Santiago de Compostela. Nel deixará patente a súa versatilidade e capacidade vocal, aos que se lles sumará o seu talento coreográfico e posta en escena, nun espectáculo nunca antes visto no xénero urbano en Galicia.
