Invitámoste a un mundo de ilusión con Inventio
Consigue con Lindeiros dúas entradas para a estrea en Santiago visitando o noso perfil de Instagram premendo aquí
Compostela, 3 de outubro do 2022 – Ferrol acolleu a pasada semana a estrea de Inventio, un espectáculo do que che falabamos en marzo e que reúne circo, danza, música e maxia dun xeito único.
Inventio é un espectáculo para público familiar cheo de comedia, concibido para divulgar o Camiño de Santiago e a cultura galega. Arredor de esas artes poderemos ver , levitacións, equilibrios, malabares, números aéreos, animación audiovisual, composicións de música tradicional galega fundidas con sons electrónicos… unha proposta que no deixa indiferente, feita aquí con xente de aquí.
O seu impulsor e o mago Martín Varela co que falabamos hai uns días, antes da estrea en Ferrol. O artistas contábanos o duro traballo realizado desde o mes de marzo ata chegar a esta estrea
Compostela sabe ben o que é a maxia, moitos lembramos o mítico Dado Dadá e a Carlos e Carmen. Pero toda Galicia é terra de magos aínda que moitas veces non se valore adecuadamente. Martín lembra que Ferrol, de onde é, tamén tivo aos seus ilusionistas de renome
A idea parte mesmo da nenez de Martín Varela, unha época na que os circos chegaban as vilas de Galicia e a instalación da carpa xa supoñía un acontecemento. Nas visitas ao exterior do circo, e das veladas no interior xurdiu esa paixón polo espectáculo
Inventio é un proxecto complexo que sorprenderá ao espectador desde o minuto 1. O coordinador explica que foi moi complexo axustar todas as artes para que encaixaran e non supuxera un simple corta e pega
Para materializar esta ambiciosa proposta escénica, Inventio conta cun numeroso equipo creativo e artístico formado por máis de 40 persoas, entre elas seis bailaríns e sete artistas circenses. Ademais da dirección do mago Martín Varela, que tamén exerce de guía do espectáculo, están como responsable da dramaturxia José l. Prieto e na dirección artística está Suso Montero.
A dirección de maxia recae sobre os ilusionistas Fani Triana e Martín Camiña e a de circo en Jorge Miquel. A dirección musical leva o selo de José Trincado ‘Triki’ e o ballet e as coreografías son unha creación de Mercedes Suárez. Completan o equipo Alberto Casas no deseño de iluminación e Conchi Silvent na dirección de vestiario.
Toda a información actualizada sobre a xira está dispoñible no espazo web www.inventio.gal. Inventio é unha iniciativa da promotora galega Thinking Up Events, da Xunta de Galicia a través do programa Xacobeo 21-22 e mais da Fundación “la Caixa”, e conta tamén co apoio de Sargadelos.
Consigue con Lindeiros unha dúas entradas para a estrea en Santiago visitando o noso perfil en instagram
