Compostela, 15 de novembro do 2023 – As asociacións da hostalería da cidade piden unha reunión “inmediata” da Mesa Sectorial para tratar o tema das inspeccións nos locais.
Ao redor de un centenar de asistentes reuníronse nunha asemblea informativa convocada pola Asociación Hostalaría Compostela, Asociación de Bares, Pubs e Discotecas e Hostalaría.gal.
A asemblea tras a reunión emitiu un comunicado no que destaca que “a hostalaría da capital galega é un exemplo a seguir” e que a cidade conta cun sector hostaleiro “altamente profesionalizado, de grande calidade, con grande prestixio, respectuoso con o conxunto da veciñanza e carecendo de calquera tipo de conflitividade”.
A hostalería explica que é preciso un “cambio de rumbo no Departamento de Urbanismo do Concello de Santiago de Compostela”. Para o sector é preciso “que modifique a lectura restritiva e os criterios taxativos das ordenanzas e normativas municipais, da lexislación autonómica vixente”.
As tres asociacións do sector presentarán alegacións contraditorias ás consideracións da Instrución 2/2023 do Servizo de licenzas e disciplina urbanística. A hostalería pide que, ata que se resolvan estas alegacións “se suspenda de xeito automático a aplicación da instrución”.
A hostalería solicitará tamén a reunión da Mesa Sectorial acordada o pasado 2 de novembro.
