Do 16 ao 21 de setembro, Santiago de Compostela acollerá a cuarta edición do festival Holanola Lab-Festival, en Músicas na Linde falamos co seu fundador Martín Calviño.
A cuarta edición do Holanola Fest chega cun festival consolidado pero en constante evolución, definíndose aínda en cada edición. Un festival que viaxa por distintos puntos de Galicia pero que ten o campamento base na Sala Rquela de Compostela.
Toda a información, datas e horarios en https://lindeiros.net/compostela-holanola-lab-fest/
Martín Calviño é o xerente da Riquela pero tamén un dos responsables do Outono Codax Festival e o impulsor do Holanola Fest que conecta Santiago e Galicia cos novos artistas de Nova Orleans. Un luxo de festival sobre o que nos sentamos a falar con Martín nun dos cafés máis clásicos da cidade: o Muelle.
Ao carón dun tocadiscos de vinilos que viviu mellores épocas comezamos preguntando polo nacemento do Holanola Fest, un principio que parte do amor de Martín pola cidade e a música de Nova Orleans.
O festival non se conforma con dar concertos, este ano evoluciona para crear un laboratorio noque artistas dos dous lados do charco compartan experiencias e aprendan un dos outros. Tomiño acollerá a parte máis lab do Holnola Fest.
Ese laboratorio musical é ademais unha oportunidade única para que os músicos americanos coñezan Galicia e descubran un espazo que máis alá do turismo é un lugar perfecto para inspirarse, aprender e traballar.
Repasa toda as Músicas na linde da que levamos falado en Lindeiros
https://lindeiros.net/category/musicasnalinde/
Para Martín Calviño é un agasallo poder facer o Holanola Fest no Riquela. É a súa sala , á que coida con todo o coidado e ver alí aos artistas que lle gustan e que marcan as tendencias de Nova Orleans e un luxo.
Preguntamos polo papel das empresas privadas na cidade, o feito de que xa que gañan diñeiro coa poboación lle podan devolver algo do que reciben por exemplo en forma de cultura; buscando por suposto un equilibrio para as dúas partes.
Rematamos falando da gran estrela do festival este ano: Aurora Nealand. Unha artista multiinstrumentista e cantante, especializada en saxofons,clarinetes ou acordeóns. Nada en California viaxou por todo o país en bicicleta e mesmo pasou un tempo en París ata que no 2004 asentouse na escena do jazz máis tradicional en Nova Orleans. Martín nos fala do único que é este concerto.
O Holanola Fest é unha oportunidade de coñecer músicos de calidade contrastada que están moitas veces fora dos focos. Vivimos unha época na que hai que procurar a música e non conformarse coas 3 ou 4 prescriptores que quedan e que non sempre acertan.
O Holanola Fes é un lugarno que sorprenderse, desfrutar e adoptar novos gustos. Todo nun espazo que é parte indisoluble da escena cultura de Compostela, a Sala Riquela e o seru propietario Martín Calviño, un dos esforzados defensores da cultura musical de Compostela.
