займ срочно

“Crocante de abelá e praliné de maracuyá” de La Morena gaña o XV Santiago(é)Tapas

0

Compostela, 13 de marzo do 2024 – Éxito do XV Santiago(é)Tapas pese ao cambio de datas, máis de 25.000 consumidas e premio para La Morena á mellor tapa creativa.

La Morena

La Morena con “Crocante de abelá e praliné de maracuyá” non só levou o premio á mellor tapa creativa, gañou ademais o de mellor tapa doce. No apartado á mellor tapa tradicional gañou un clásico do concurso: Artesana con “Estamos como cabras”.

O listado dos premiados completo foi o seguinte

O Auditorio de Galicia acolleu o acto de entrega de premios da XV edición de Santiago(é)tapas, organizada por Turismo de Santiago en coordinación coa Asociación Hostelería Compostela.

O certame mudou as datas a febreiro polo aumento do traballo no mes de novembro, cando se celebraba tradicionalmente. O cambio foi un éxito xa que se alcanzaron cifras similares de participación o que supón aumentar o traballo dos locais nun mes máis baleiro de clientes.

Artesana

No acto de entrega de premios participaron representantes das diferentes entidades e empresas que patrocinan e colaboran co concurso: a alcaldesa de Santiago, Goretti Sanmartín; a concelleira de Turismo, Míriam Louzao; o vicepresidente da Deputación da Coruña, Xosé Regueira; a presidenta da Asociación Hostelería Compostela, Sara Santos; a xerente de Turismo de Santiago, Flavia Ramil; o responsable da Área de Calidade alimentaria da Axencia Galega de Calidade Alimentaria, Ricardo Rivas; o xerente de Cash Record, Simón Quintela; o promotor de vendas de Cafés Dromedario, Bruno Hermida; o delegado comercial de Estrella Galicia en Santiago, Guillermo Fernández; o wine ambassador de Ponte da Boga en Santiago, Alberto García; e a responsable do Departamento de Restauración e Seguridade Alimentaria da Asociación Galega de Persoas Celíacas, Nuria Colmenero.

A alcaldesa, Goretti Sanmartín, subliñou que o éxito de Santiago(é)tapas no mes de febreiro vai na liña de traballo que se está desenvolvendo para conseguir mudar o modelo turístico de Santiago, apostando pola colaboración co sector e o fomento da desestacionalización con actividades que dinamicen Compostela nos meses de tempada baixa. Tamén agradeceu as facilidades que deu a Deputación da Coruña para o cambio de datas, xa que sen o seu apoio non sería posible o mesmo.

Pola súa banda, segundo sinalou a concelleira de Turismo, Míriam Louzao, o cambio de datas non tivo impacto nin no número de locais participantes nin no consumo. Así, neste ano consumíronse preto de 25.000 tapas, unha cifra similar a da última edición de novembro de 2022. Míriam Louzao destacou que estes datos eran moi relevantes, tanto porque se produciron no mes de febreiro, un mes moi complexo para o sector, como porque o 40% do consumo foi de persoas que non residen en Compostela.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies