Máis de 30.000 tapas vendidas, máis de 12.000 votos válidos, 68 propostas e 42 participantes consolidan o Santiago(é)Tapas e abalan as novas datas estreadas hai un ano.
O Auditorio de Galicia acolleu a entrega de galardóns do XVI Santiago(é)Tapas. Un concurso consolidado, tanto en público como en reputación, despois dunhas primeiras edicións que buscaban un camiño que reforzara a hostalería e os locais da cidade.
O cambio de datas, decidido hai un ano para co obxectivo de seguir desestacionalizando o turismo na cidade, da os seus froitos a xulgar polos datos de participación: 30.000 tapas servidas e cerca de 13.000 votos validados, a xente consume e implícase.
En este 2025 servíronse 68 propostas distintas en 48 locais por toda a cidade. Semdeiro, Sessanta & Novanta, La Morena e Mercedes acadaron os galardóns de esta edición.
O SENDEIRO foi o gañador indiscutible xa que levou para o seu local DA Rúa do Olvido 3 dos 6 premios; Mellor Tapa Creativa, Mellor Tapa en Maridaxe con Viño e Mellor Tapa sen Glute, os tres galardóns por “Bonito, millo e lagostino”.
Os outros tres premios do XVI Santiago(é)Tapas foron para SESSANTA & NOVANTA na categoría de Mellor Tapa Tradicional por “Milfollas de bacallau con cebola caramelizada”; LA MORENA na categoría de Mellor Tapa Doce por “Ouro de castaña e mazá”; e MERCEDES na categoría de Mellor Tapa en Maridaxe con Cervexa con “Crocante de sardiña afumada”.
Ademais, tamén recibiron unha chaquetiña cortesía da empresa Utimaq, os 10 locais finalistas que foron, por orde alfabética, Artesana, coa tapa ‘Xenerais da Ulla’; Bodeguilla de San Lázaro, con ‘Cocido galego’; Bodeguilla de Santa Marta con ‘Sabores da terra’; La Morena con ‘Ouro de castaña e mazá’; O Sendeiro con ‘Bonito, millo e lagostino’ e ‘Galmesán, solombo e pesto’; O Testo con ‘Mandarina morada do Cebreiro’; Oca Puerta del Camino con ‘Repolo, papada de porco Celta e cigala’; Orixe con ‘Que morro temos!’; Sessanta&Novanta con ‘Milfollas de bacallau con cebola caramelizada’ e Vilar 64 con ‘Pan chino’.
O XVI Santiago(é)Tapas, organizado e promovido por Turismo de Santiago baixo o paraugas da marca Compostela Gastronómica, co apoio da Deputación da Coruña, conta como patrocinador principal coa empresa Hijos de Rivera, a través das súas marcas Estrella Galicia, Ponte da Boga e Cabreiroá. Ademais, tamén colaboran co concurso a Axencia Galega de Calidade Alimentaria (AGACAL), o Mercado de Abastos de Santiago, Cash Record, Café Dromedario, ACEGA (asociación de persoas celíacas de Galica), Utimaq, Obradoiro CAB e SD Compostela.
Á gala do XVI Santiago(é)Tapas asistiron a alcaldesa de Santiago, Goretti Sanmartín, a concelleira de Turismo, Míriam Louzao, e outros representantes da Corporación municipal; ademais do vicepresidente da Deputación da Coruña, Xosé Regueira, e o director da Axencia Galega de Calidade Alimentaria (AGACAL), Martín Alemparte.
Tamén participaron a xerente de Turismo de Santiago, Flavia Ramil; o delegado comercial de Estrella Galicia en Santiago, Guillermo Fernández; o wine ambassador de Ponte da Boga en Santiago, Alberto García; o xerente de Cash Record, Simón Quintela; o promotor de vendas de Café Dromedario, Bruno Hermida; a xerente do Mercado de Abastos, Marta Rey; e Gloria Bernárdez e Nuria Colemero, representantes de ACEGA (asociación de persoas celíacas de Galicia).
Toda a información está dispoñible na páxina web santiagoetapas.gal
