Compostela, 31 de agosto do 2023 – Compostela acolle desde este sábado a vixésimo segunda edición do Festival Agustín Magán de teatro amador que organiza FEGATEA.
O Festival celebrarase ata o 22 de setembro en espazos como o Teatro Principal, a Sala magán no CSC de Santa Marta ou no Salón Teatro. O evento, organizado pola Federación Galega de Teatro Afeccionado, FEGATEA, conta co apoio do Concello de Santiago.
O festival arranca este sábado, día 2 ás 20:00 horas no Teatro Principal coa representación da obra “A Pousada do Trú-Trú”, interpretada por Desfeita Teatro. O domingo, día 3, Teatro de Cámara Ditea representa, no mesmo escenario, “Nice to kill you”. O Salón Teatro acollerá o 9 e o 10 de setembro as funcións “Arte”, de Hipócrita Teatro (sábado) e “Almas na gloria: don Paco”, de Avelaíña Teatro (domingo). Os días 22 e 23 de setembro, chegan á Sala Magán do CSC de Santa Marta, as pezas “O Randiña”, de Pico do Castro e “Apuntamentos para un magnicidio”, de Ditirambo, ambas ás 20 horas.
No marco do Festival, o vello Colexio do Castiñeiriño tamén acollerá o sábado 16 e o domingo 17 de setembro, un obradoiro de “Construcción de máscaras de cartón”, impartido por Marcelino de Santiago de Kukas que se desenvolverá en horario de 10 a 14 horas e de 16 a 20 horas.
O Festival Agustín Magán está organizado pola Federación Galega de Teatro Afeccionado (FEGATEA) co apoio das concellarías de Capital Cultural e de Centros Socioculturais do Concello de Santiago e da Dirección Xeral de Cultura da Xunta de Galicia e o Centro Dramático Galego.
