Compostela, 2 de setembro do 2022 – O concello de Santiago acolle, desde este sábado e ata o día 24, o XXI Festival de Teatro Agustín Magán de Teatro Amador
O Teatro Principal, a Sala Magán do Centro Sociocultural de Santa Marta, e o Salón Teatro acollen as representacións de esta edición. O evento está organizado pola Federación Galega de Teatro Afeccionado, FEGATEA. As representacións serán de balde. A entrada debe recollerse en taquilla e estarán dispoñibles ata completar o aforo.
Serán seis espectáculos os que participarán doutras tantas compañías. O festival comeza mañá sábado ás 20:00 h. no Salón Teatro, con “O caso de Martha Stutz”, un drama para público adulto interpretado por “Desfeita Teatro.
O domingo, día 4, Atrezzo Teatro representa, no mesmo escenario, “Que familia”, unha comedia para todos os públicos.
O 17 e 18 de setembro as funcións desenvolveranse no Teatro Principal. O sábado acolle “Nadal na casa dos Lamelo, unha farsa para “público familiar” de Achádego Teatro. E o domingo, “Un desastre de función”, unha comedia para todos os públicos que nos presenta Gargallada Teatro.
A última fin de semana de setembro, o 23 e 24, chegan á Sala Magán “Sincronizadas”, unha comedia de Farándula Velutina, e “A pena do cu do mundo”, unha comedia musical que interpreta Carranchanacacha (Aturuxo de Melpómene).
Ademais das concellarías de Acción Cultural e de Centros Socioculturais do Concello de Santiago, no Festival Agustín Magán tamén colaboran a Dirección Xeral de Cultura da Xunta de Galicia e o Centro Dramático Galego.
Neste momento, o Concello de Santiago tamén está colaborando con FEGATEA na programación de Fega Teatro. Dez funcións que se están desenvolvendo en distintos Centros Socioculturais da cidade durante o segundo semestre deste ano.
O Fega Teatro” xurde como proposta para achegar ese teatro amador a toda a veciñanza por medio dos centros socioculturais, mesmo aos que non contan cunha dotación técnica ampla. O seu obxectivo é ampliar a oferta cultural, e contribuír á creación de novos públicos, chegando a espazos tando do urbano como do rural que non teñen una programación teatral estable.
