займ срочно

Compostela presenta as Festas da Ascensión 2023

0

Compostela, 4 de maio do 2023 – Santiago celebrará as Festas da Ascensión desde o vindeiro día 16 de maio ata o 21, por tradición as máis propias de Compostela.

O programa da Ascensión 2023 recolle eventos tradicionais como os concertos na Quintana, os Cantos de Taberna, as Corais ou o torneo de Chave na Alameda. A novidade este ano será ademais o I Encontro profesional galego de construción de instrumentos musicais.

Clásicos da Ascensión

O programa está cheo de eventos que clásicos que cada ano atraen á veciñanza da cidade. Distintas corais da cidade interpretarán as súas pezas en varios CSC da cidade e a Banda Municipal de Santiago amenizará coa súa música as rúas da cidade. Tampouco faltarán as tradicionais alboradas que ambientarán a cidade desde o xoves ata o domingo, en horario de 10 a 12 h.

En diferentes prazas da vila desenvolveranse os ciclos “Folk na rúa” (xoves, 18 de maio) e “Escolas de Baile Tradicional” (sábado, 20 de maio), ofrecido polas agrupacións folclóricas da cidade como Cantigas e Agarimos, Ultreia ou Brincadeira, entre outras.

Outra das actividades tradicionais que se repetirá este ano é o torneo da Chave, que acada a súa XLVI edición e que se desenvolverá venres e sábado na Alameda compostelá.

Varios locais de Santiago acollerán o sábado as interpretacións de varios grupos de Cantos de Taberna cunha actuación conxunta final. O mesmo día pola tarde, o CSC Maruxa e Coralia ofrece un obradoiro para todas as persoas interesadas neste tipo de cánticos populares.

Durante as Festas, tamén se desenvolverá III Certame coreográfico Compostela, o 19 de maio ás 18 h e o XIII Festival Batebatuke, ao longo das xornadas do sábado e domingo.

Os concertos

Os festexos arrancarán o 16 de maio ás 21:30 horas, na Quintana, co concerto Santiago 40 POP, que contará coas actuacións de Marc Seguí, Zzoilo, Miriam Rodríguez, Depol – Hilario, Nerea Rodríguez e Meler – Angy e Mondra, presentado por Tony Aguilar.

A orquesta Panorama, Ana Moura ou Ortiga e Pili Pampín son algunhas das actuacións destacadas do programa da Ascensión.

Ademais, a praza da Quintana acollerá o venres a partir das 20:30 horas o Compos Fest, no que participan Carlangas (ex Novedades Carmiña); Ruxe, Ruxe; Nastasia Zurcher e Moncho e Los Apóstoles que no seu día compuxeran un himno para o equipo.

Feira Cabalar

O día grande das Festas, o xoves da Ascensión, terá lugar a comparsa de cabezudos cun percorrido polas rúas compostelás desde ás 10 da mañá. Celebrarase a tradicional Feria Cabalar, no Recinto de Amio,  que ofrecerá un amplo programa de actividades dirixido a todos os/as afeccionados/as ao mundo do cabalo galego, con andaduras, mostras cabalares e entrega de premios, ademais dun espectáculo ecuestre de doma.

Festas dos Maiores

Un ano máis volve a Festa para as Persoas Maiores, na que é xa a súa 24 edición. A sobremesa estará amenizada polo Grupo Alaska e José Manuel “Abanico”. O prezo adaptado a todos os petos de 7,50 euros. Esta xuntanza terá lugar o sábado 20 de maio ás 14 h no Recinto Feiral de Amio, e as entradas estarán dispoñibles a partir do día 11 de maio no despacho de billetes do Teatro Principal.

Máis Ascensión

O programa inclúe outras actividades para públicos diversos, como a representación da peza de teatro “Fractales Sonoros. Cruzando posibilidades” de Alejandro Vargas, que terá lugar no Teatro Principal o martes 16 ás 20:30, ou os espectáculos de circo “Malabarian on de Rox”, o mércores ás 17 h e de maxia “Rock & Magic” do Mago Teto, o domingo ás 19 h, ambos na praza de Mazarelos. O Centro Xuvenil Don Bosco acollerá o venres pola noite un ciclo de milongas precedido por un curso de tango no palco da Alameda ás 17 h, e a charla de Chusa Pérez de Vallejo “El tango es una historia”, o sábado 20 a partir das 16 h.

Punto Lila

O concelleiro de festas, Sindo Guinarte, salientou na presentación que “a maioría das actividades son de balde e acceso libre ata completar a capacidade ou aforo dos espazos”. Ademáis recordou que “como en anos anteriores, vaise instalar un punto lila, na Alameda, de oito da tarde a unha a madrugada, co obxectivo de e informar, e protexer, darlle seguridade tanto ás mulleres como ás persoas do colectivo LGTBI”.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies