Compostela, 19 de outubro do 2023 – O salón artesonado de Fonseca acollerá desde hoxe a exposición “Un rastro de furia e algas” que agrupa o traballo de artistas millenials de Galicia e norte de Portugal.
Unha exposición que trata da “ansiedade climática” e que está inspirada por un verso de Alba Cid, poeta desa xeración. “Un rastro de furia e algas” inaugurase hoxe, xoves 19, as sete da tarde coa presencia do reitor, Antonio López Díaz, e coa participación da vicerreitora de Estudantes e Cultura, Pilar Murias Fernández, e do comisario da exposición, Federico López Silvestre, xunto a María Gil e Sergio Meijide. A continuación, no mesmo acto, terá lugar a performance do colectivo artístico Landra.
Estará aberta ta o 27 de xaneiro en horario de luns a sábado, de 11.00 a 14.00 e de 17.00 a 20.30 horas..
A subida dos océanos, a estratificación dos plásticos e o aumento das temperaturas non son casualidades históricas, senón consecuencia directa dun sistema produtivo que cabería transformar se se quere evitar unha extinción prematura. Aínda que esta reflexión se remonta ao século pasado, a primeira xeración en padecer o que se coñece como ‘ansiedade climática’ foi a millenial, integrada polas persoas nacidas entre 1980 e 1996.
Nas obras expostas apréciase, entre outras cousas, a denuncia das debilidades e as irresponsabilidades do sistema produtivo, a crítica dos marcos antropocéntricos que determinan a nosa relación co mundo e a supervivencia da vida nas ruínas do capitalismo.
