Compostela, 21 de novembro do 2024 – Hoxe preséntase en Cineuropa e mañá chega as salas de cine “Prefiro condenarme” o novo traballo de Margarita ledo que puidemos ver nun pase para a prensa o pasado día 9.
“Prefiro condenarme” camiña na linde entre o documental e o biopic. Sorprende un pouco máis en cara xiro do camiño e acaba por deixar ao espectador contrariado por unha realidade tan próxima no tempo e tan medieval nos feitos.
A historia de Sagrario Ribela Fra que foi levada ante o Tribunal eclesiástico de Compostela acusada de adulterio. Unha acusación da que, contra todo prognóstico, é absolta. Máis alá de ese momento está a propia vida da protagonista e dos que a rodean, un decorado que encaixa como un guante na data do 25N.
A película estreouse no Festival de Sevilla e acadou unha mención especial. O xurado destacou de “Prefiro condenarme” “la importancia de recuperar el empoderamiento de las mujeres, las historias del pasado que fueron silenciadas no solo políticamente sino cinematográficamente; por todas esas mujeres cineastas que no tuvieron voz; por la necesidad de contar las historias injustas y olvidadas de nuestras abuelas y madres”. A esta mención Margarita Ledo daba un valor especial como podemos escoitar
Sobre Margarita Ledo
Margarita Ledo Andión, catedrática en comunicación audiovisual, escritora, investigadora e cineasta, o seu filme Nación (2020), acadou o Premio á mellor dirección de película española no Festival de Cine Europeo de Sevilla-2010 o Mestre Mateo-2021 e ten o distintivo do ICAA como filme recomendado para o fomento da Igualdade de Xénero sendo pre seleccionado para os Goya.
Autora d’ A cicatriz branca (2012) sobre as mulleres que emigraron soas, de Santa Liberdade (2004), que narra aquela acción galego-portuguesa contra as ditaduras de Franco e Salazar, ou de Liste, pronunciado Líster (2007), é Premio Nacional da Cultura Galega-2008 en Cine e Audiovisual, Premio Otero Pedrayo-2017, Premio Cineuropa-2020, Premio Mulleres en Foco-2021 da Deputación de Pontevedra e a asociación CIMA, Premio Fernando Rey-2022 da AGA, Mestre Mateo de honra 2022 ou Premio Pedigrí do Festival de Cans-2022. Ademais, os seus filmes Santa liberdade e Nación foron adquiridos recentemente polo Museo Nacional Centro de Arte Reina Sofía para facer parte da súa colección permanente.
Equipo
Dirección de Margarita Ledo Andión; guión de Margarita Ledo Andión e Eva Veiga; dirección de fotografía de Alberte Branco AEC; música de Carme Rodríguez; montaxe de Clara G. Nieto; documentación de María Soliña Barreiro; dirección de arte de Carme Triñanes; produción executiva de Olaia Ledo Díaz.
O equipo artístico está formado por Sagrario Ribela Fra, Nardo Beceiro Ribela, Melania Cruz, Mónica Camaño, Iria Pinheiro e Antón Lopo coa colaboración especial de Mónica de Nut e Zé Paredes. Producida por Nós Productora Cinematográfica Galega S.L e distribuída por Atalante.
