Eleccións 23, 29 de maio – Os resultados de Santiago de Compostela en estas eleccións deixan a posibilidade de que a cidade teña por primeira vez unha alcaldesa, Goretti Sanmartín do BNG.
As eleccións infrinxen un duro castigo ao Psoe cunha caída que arrastra a Xosé Sánchez Bugallo que anunciaba que non recollería acta e abandonaba a política. O partido perde catro concelleiros, 8.000 votos ademais de ser superado polo BNG. O aínda alcalde en funcións falaba así na súa intervención tras coñecerse os resultados
O partido Popular consegue unha agridoce vitoria xa que é o partido máis votado e sube tres concelleiros pero sabe que non gobernará. En calquera caso Borja Verea na súa intervención apelaba ao resto de formacións para que o fixeran alcalde.
O BNG é sen dúbida o claro vencedor da noite. Goretti Sanmartín consegue pasar de 2 a seis concelleiros, superar ao Psoe con case mil votos máis e converterse nunha forma para o partido de cara ás xerais e autonómicas. Na súa alocución Sanmartín falaba de que gobernarían para toda a cidadanía
Pola súa banda Compostela Aberta mantén dous concelleiros tras unha campaña realizada con moitos menos medios que o resto. A baza de Yolanda Díaz non tivo o efecto esperado e María Rozas falaba dunha nota etapa na que, pese a todo, serán chave para que as cousas sexan aprobadas no pleno.
Queda un escenario moi complexo no que temas como o do transporte ou o ciclo da auga poden verse afectados. Vivenda, turismo e cultura foron outros dos eixes da campaña e que serán clave en este mandato.
