Compostela, 4 de abril do 2023 – O Partido Popular de Santiago presentou denuncia no xulgado contra o equipo de goberno socialista, a empresa Desprol e o seu xerente, polo denominado caso Pichel.
En realidade o Partido Popular está cumprindo o anunciado como xa contamos en Lindeiros no mes de xaneiro. A denuncia presentada polo PP explica que as accións tomadas estaban encamiñadas a beneficiar á empresa, parte de cuxas accións pertencían a Pichel, aproveitando a situación do concelleiro no equipo municipal. O escrito insiste en que toda a Xunta de goberno eran consciente da situación.
Comunicado do Psoe e resposta do PP
O equipo de goberno socialista emitía un comunicado na tarde de onte no que di que se trata “dunha actuación que só se pode entender dentro da estratexia electoral habitual dun partido que ten por costume levar aos xulgados o que non pode gañar nas urnas”.
O Psoe recrimina ao PP que tendo a información desde decembro “agardara a xaneiro para facela pública e outros tres meses para presentar a denuncia”. Os socialistas insisten en que se trata dunha estratexia dos populares e engaden que a denuncia presentouse o mesmo día que “José Ramón Gómez Besteiro volve á política, logo dunha actuación xudicial inxusta e inxustificada”.
Polas conversas mantidas por Lindeiros con fontes do Partido Popular “os retrasos aos que alude o Psoe foron para poder reunir toda a documentación e, posteriormente, que os servizos xurídicos a puideran analizar antes de presentar a denuncia”.
Engaden que no último pleno o PP convidou de novo ao Psoe a que foran eles os que levaran o tema a fiscalía para aclarar si existira ou non algún tipo de irregularidade e “pouco menos que se riron de nos”.
Compostela Aberta abriu a espita
A liorta entre Partido Popular e Psoe deixa na sombra a Compostela Aberta que foi o grupo que denunciou a situación en xaneiro de este ano. Por aquel entón CA denunciaba o alquiler dunha nave propiedade do concelleiro de medio rural José Manuel Pichel.
O que nun primeiro momento non foi tomado en serio rematou coa dimisión do edil e unha sucesión de peticións de documentación por parte da oposición que chega ao seu punto álxido con esta denuncia a menos de dous meses das eleccións.
