Compostela, 30 de setembro do 2019 – Tras unha fin de semana protagonizada polos documentais do equipo LUPA chega a Curtocircuito a vangarda do audiovisual galego.
O luns comezará coas sesións destinadas aos escolares da cidade. Xa pola tarde, na sección oficial de Curtocircuito, entran a concurso na sección Explora: Vever (for Barbara) de Deborah Stratman; The Sound Drifts, de Stefano Canapa; Lore, de Sky Hopinka; Walled Unwalled; Lawrence Abu Hamdan; e ALGO-RHYTHM, de Manu Luksch, competindo en Explora.
Carole Roussopoulos
O luns trae tamén a sesión dedicada a cineasta suiza Carole Roussopoulos. Esta muller foi pioneira do movemento de liberación feminina e ao longo da súa traxectoria produciu máis de 150 documentais.
As oito e media da tarde proxectánse SCUM manifesto 1967, Christiane et Monique LIP V e Y’a que’à pas baiser !.
Vangarda galega
Como peche de do día, ás 22h30 no Teatro Principal proxectaranse os filmes Joven y Carmen, de Borja Santomé; Rexistros (xeografía de San Sadurniño), de Adrián Canoura; Parpadeo, de Judith Adataberna; Analóxica, de Anxos Fazáns; Como desaparecer, de Carlos Martínez-Peñalver; e La jovencita no envejece, se descompone, de Álvaro F. Pulpeiro; todos dentro de Planeta GZ, a sección competitiva na que Curtocircuíto aglutina as obras que considera máis arriscadas e interesantes, ao mesmo tempo que intenta conformar un conxunto que represente a heteroxeneidade da escena cinematográfica galega.
O equipo LUPA protagonizou a fin de semana
Despois da festa de inauguración do sábado, na que Miryam Bleu non deixou indiferente a ninguén co seu espectáculo, o domingo o traballo do compostelán equipo LUPA foi o protagonista.
A homenaxe a Euloxio Ruibal, impulsor de aqueles traballos audiovisuais contou coa presenza de algúns dos que o acompañaron en aquela aventura como Ana Antón O Xosé Ramón Pousa. Ruibal non se esqueceu de lembrar tamén a outros que xa non están como Roberto Vidal Bolaño. O cineasta explicou como a súa intención era conseguir un equipo de proxección co que percorrer os teleclubs de Galicia mostrando o seu traballo.
A curtometraxe Holocausto e os documentais sobre os Peliqueiros de Laza, a romaría do Corpiño, en Lalín, e a Rapa das Bestas de Candaoso, filmada en Viveiro, dou paso as últimas imaxes do edificio Castromil de Compostela.
