Skip to content
Lindeiros

Lindeiros

Lindeiros, o xornal da bisbarra de Compostela e da súa capital,

Primary Menu
  • Xeral
  • Axenda
  • Concellos
  • Contacta
  • Compostela
  • Xeral

Compostela Convive lévanos pola gastronomía de Malí, Marrocos e Palestina

Unha mostra de gastronomía de Mali

Imagen de IMG_WorldWide en Pixabay

Compostela, 07/07/2026 – Compostela Convive organiza na Praza de Abastos, durante este mes, un total de tres xornadas gastronómicas da man de profesionais da restauración e persoas representantes de diferentes culturas e países do mundo.

Esta actividade terá lugar na Aula Gastrocultural do Mercado e permitirá ás persoas asistentes achegarse á riqueza culinaria e cultural de diferentes territorios a través de elaboracións tradicionais, explicacións sobre os seus procesos de preparación e a degustación dos pratos elaborados.

Compostela Convive é un programa organizado pola Plataforma polo Emprego en colaboración coa UAMI do Concello de Santiago, no marco do seu compromiso coa promoción da convivencia intercultural e a creación de espazos abertos, diversos e libres de prexuízos.

Este evento gastronómico que organiza Compostela Convive comeza hoxe mesmo coa participación de Binafou AR Sylla, orixinario de Malí, quen compartirá co público unha mostra da cociña tradicional do seu país de orixe.

A actividade contará coa colaboración do cociñeiro Kike Piñeiro, de A Horta d’Obradoiro, nun encontro gastronómico que permitirá descubrir sabores, ingredientes e costumes vinculados á tradición culinaria maliense.

A segunda sesión desenvolverase o martes 14 de xullo e estará dedicada á gastronomía marroquí. Nesta ocasión, Ilham El Kartit e Sanae El Amri, do restaurante Nömada Dar, achegarán ás persoas asistentes unha mostra representativa da tradición culinaria de Marrocos, poñendo en valor receitas, técnicas e elementos culturais que forman parte da identidade gastronómica deste país.

O ciclo rematará o martes 21 de xullo cunha xornada centrada na gastronomía palestina, da man de Ahmed Qabb e Aya Al Suliman, do restaurante Jerusalem. A través das súas elaboracións, o público poderá coñecer algúns dos pratos máis representativos desta tradición culinaria, así como os relatos, costumes e valores culturais asociados á mesma.

As tres sesións darán comezo ás 19:00 horas e combinarán demostracións culinarias, explicacións sobre o contexto cultural dos pratos e unha degustación final destinada ás persoas participantes. Deste xeito, a gastronomía convértese nunha ferramenta para o diálogo intercultural e para o coñecemento mutuo entre culturas.

A participación nos obradoiros é de balde, mais o aforo é limitado, polo que será necesario formalizar a inscrición previamente mediante o envío dun correo electrónico a seguinte dirección: compostelaconvive@gmail.com.

Esta actividade forma parte da programación de Compostela Cultura, está organizada pola Plataforma polo Emprego e conta co financiamento da Unidade de Atención ás Migracións e Interculturalidade (UAMI) do Concello de Santiago de Compostela.

A través desta iniciativa búscase promover o encontro, a convivencia e o recoñecemento da diversidade cultural presente na cidade, poñendo en valor as experiencias e achegas das persoas de orixe migrante.

Post navigation

Previous: “Un mes e Pico” chega a súa oitava edición
Next: Delas Fest 2026

Máis novas

Un momento do pleno de Brion no que se destinou un millón de euros ao pago de facturas
4 minutes read
  • Xeral

Brión rebaixa a taxa do lixo

Rois: aprobadas en pleno a renovación de ordenanzas fiscais
3 minutes read
  • Xeral

Rois actualiza licencias e cede xestión á Deputación

Concello de A Estrada_DSC9226 slide_r
3 minutes read
  • Xeral

Reclama que se respete na Estrada a Lei de Memoria Democrática

compostela arco de mazarelos_good 7 novembro 2026
3 minutes read
  • Compostela

Unha nova vida para o Arco de Mazarelos

ateneo desafios intelixencia artificical 7 novembro 20226
2 minutes read
  • Xeral

Os desafíos da Intelixencia Artificial nos Luns do Ateneo

mancomunidade ordes saida patrimonio 5 novembro 2026
2 minutes read
  • Xeral

Nova saída para coñecer a Mancomunidade de Ordes

bng maes parquing milladoiro 6 novembro 2026
3 minutes read
  • Xeral

As incógnitas do aparcadoiro do Milladoiro

deputacion via verde remata en marzo 6 de novembro 2026 (1)
4 minutes read
  • Xeral

A Vía Verde podería estar rematada en marzo

Etiquetas

25N (53) alcaldes (78) asociacións e fundacións (2086) Ciencia (116) Comercio e empresa (665) Coronavirus (278) Crechas (38) Cultura (2831) Curtocircuito (40) Deportes (751) Economía (450) Educación (778) eleccions (50) Emprego (244) Entroido (42) Festas e Feiras (623) Festivais (837) Galego (146) Institucións (1441) lixo (88) Mancomunidade de Ordes (45) Mandingo (92) Medio Ambiente (1626) muller (187) Nadal (200) Obradoiro Cab (79) o máis lido da semana (55) Patrimonio (834) Plataforma Casalonga limpa de residuos (81) Plataforma Veciñal Mina Touro O Pino NON (42) Plenos (740) Politica (951) saúde (534) Servizos (2704) sindicatos (109) Social (567) sucesos (133) Tabernalia (184) Tecnoloxía (46) Transporte e estradas (703) Turismo (223) Universidade (588) urbanismo (265) xuntas de goberno (37) Xustiza (120)
  • Facebook
  • X
  • Instagram
  • BSky
  • Youtube
  • Whatsapp
Copyright © 2026 All rights reserved. | MoreNews by AF themes.

Utilizamos cookies propias e de terceiros para garantir o correcto funcionamento do sitio web, medir o seu uso e mellorar os nosos servizos. Podes aceptar todas as cookies, rexeitar as non necesarias ou configurar as túas preferencias. Política de cookies

Configure cookies

Necesarias para que o sitio web funcione correctamente. Non se poden desactivar desde este panel.

Axudan a medir o uso do sitio web e a mellorar os seus contidos.

Permiten publicidade, medición de campañas ou personalización de anuncios.

Gardan preferencias ou permiten contido externo non necesario.