A Unión Hotelera minusvalora o informe da USC para o concello e di del que “as veces o que paga manda”.
A Unión Hotelera ven de presentar un recurso contra a taxa turística que pode retrasar a súa implantación. Falamos con José Antonio Liñares, o seu voceiro, sobre as razóns para este recurso e con que argumentos o defenden.
Deixamos en primeiro lugar que expliquen porque xorde agora toda esta polémica cando se leva tanto tempo falando da taxa. Unha das razóns é un debate aberto dentro da propia Unión Hotelera, un debate que levou a encargar un informe propio sobre a propposta de taxa.
Sorprende que se rebata un informe universitario, o encargado polo concello para avaliar a taxa turística, con outro encargado a dous catedráticos da mesma universidade; O viceiro da Unión Hoteleira é moi claro sobre o estudo presentado polo concello “as veces o que paga manda”. Cren ademais que esperar ao 1 de xaneiro sería o mellor para todos.
Nun debate cada un dos que participa acode aos argumentos que máis o favorecen. En este caso preguntado polo feito de que outras vilas levan tempo aplicando a taxa sen problemas, José Antonio Liñares lembra que non se pode escoller Barcelona como exemplo cando a taxa de ocupación é un día máis que a de Santiago. A Unión Hotelera o que ten tamén moi claro é que “o relato o teñen perdido”, que a cidadanía é favorable á implantación.
Algo repetido en este debate e que a veciñanza asumiu é que ninguén vai a deixar de vir a Compostela por ter que pagar un euro máis. José Antonio Liñares cre que pode ser así pero que para o hoteleiro, sobre todo para os máis pequenos, supón unha carga administrativa a maiores que terá que asumir.
A taxa turística será problema un exemplo mais de medidas que comezan con polémicas e acaban integradas. Liñares, voceiro da Unión Hoteleira, coincide con esta visión porque o viviu coa peatonalización pero reivindica o dereito a opoñerse e a protestar e, ao mesmo tempo, pide que se lles valore.
No fondo de todo isto está un debate sobre a Compostela do futuro. Un pode dubidar do destino dos cartos que se recaden, e poderanse poñer medidas para que sirvan para mellorar o coidado da cidade, pero está claro que o turismo necesita regulacións antes de que suceda o mesmo que en outras vilas que acabaron convertidas en museos ao aire libre ateigados de xente que deambula sen saber moi ben que están vendo.
O momento do debate é agora, cando se poden aínda implementar medidas. Os gobernos que veñan detrás terán que seguir xestionando o crecemento do turismo porque xa non é que Compostela estea de moda, e que toda Galicia parece terse convertido no lugar ao que todos queren vir e iso, antes ou despois afectaranos.
