Compostela, 20 de marzo do 2023 – O Club de Debate Compostela, integrado na USC, organizou esta fin de semana o BP Compostela, a quinta edición do seu torneo nacional.
O Club de Debate Compostela leva máis de dez anos organizando este tipo de torneos pero son moito máis que una asociación de estudantes. Chegaron a participar nun campionato mundial no 2016, o CMUDE; forman aos novos universitarios no feito de confrontar ideas, organizan ligas internas, eventos de tipo social e colaboran en distintas causas.
Noel Suárez
Falamos co seu presidente, Noel Suárez, antes da final de “novatos”. Explícanos a parte máis técnica do club, as modalidades de debate e como funciona o CDC
Moitos dos políticos que están de actualidade pasaron por clubs de debate nas súas épocas universitarias. Isto ten, como todo, dúas caras; pódese aprender a buscar argumentos e mesmo entender os da oposición pero tamén pódese buscar tan só convencer ao que escoita
Preguntamos a Noel polas súas preferencia á hora de debater. Fálanos da importancia de tocar todos os temas, do que supón ter que buscar argumentos sobre temáticas moi diversas e do que se aprende diso e pon un exemplo moi curioso
O Club de Debate Compostela é sobre todo educación. Máis alá de ensinar oratoria, o CDC da aos estudantes espírito crítico, algo que votamos moi en falta na sociedade actual
Posiblemente o CDC sexa unha das xoias máis agochadas da Universidade de Santiago. Miman aos novatos que chegan e os tutelan con veteranos que os asesoran e apoian. Xeran relacións sociais entre estudantes que, en moitos casos, non encaixan do perfil máis “festeiro” por dicilo de algún xeito. Ensinan a ver a vida desde distintos ángulos e iso, nun contexto como o actual, é algo imprescindible.
O Club de Debate Compostela é unha peza moi importante da educación dos seus socios, aínda cando eles non sexan plenamente conscientes. Unha grata sorpresa dentro do endogámico e complexo mundo universitario.
