займ срочно

O Circo do Sol ilumina Compostela

0

Compostela, 4 de xaneiro do 2024- Ao igual que todo o mundo debería unha vez ao teatro, ao cine ao a un concerto, todos deberían polo menos unha vez na vida ao circo.

Onte o Circo do Sol realizaba a premiere en Compostela de OVO, o seu novo espectáculo. A posibilidade de desfrutalo mantense ata o domingo día 7, unha oportunidade única de recuperar o circo da nenez.

Non se pode negar que o custo de acudir ao Circo do Sol é alto pero o certo é que o que se paga vale ata o último céntimo de euro se non máis. Ovo recupera o circo máis tradicional, o que interactúa co público, o que fai rir con bromas máis vellas que o mesmo espectáculo, o que deixa sen alento ao espectador.

Lindeiros puido falar con algúns mozos de vinte tantos anos que nunca foran ao circo e todos quedaron sorprendidos, mesmo os que acudiron sen moito ánimo. OVO encaixa en moitas das afeccións das novas xeracións. Non é só a referencia ao medio ambiente, tamén é un mundo de banda deseñada, de maquillaxes, de luces e color; podería ser un xogo indi no que o protagonista decide entre o seu ben máis prezado ou o amor.

A posta en escena é impecable. Unha montaxe de doce horas para un espazo escénico que ten todas as características dos grandes teatros e as aproveita ao cen por cen. Desde as proxeccións ata as luces, dun impecable son en directo a unha sutileza no cambio de aparellos que acaba por sorprender ao espectador.

Tivemos tamén a oportunidade de falar con algúns dos artistas, Todos teñen unha característica en común: querían formar parte do Circo do Sol desde moi cativos. Falan do circo como dunha familia e desfrutan cada unha das horas nas que están ensaiando ou actuando. Un exemplo de multiculturalidade porque son cen persoas de 25 nacionalidades distintas.

OVO e un regreso a infancia e se un non a tivo moi boa, polas razóns que foran, unha oportunidade de gardar unha lembranza de cativo sendo maior. É doado saír querendo ser o trapecista ou o pallaso,  con gañas de comprar un diábolo ou, tamén hai que dicilo, pensando que temos que facer máis exercicio.

Se tedes a oportunidade de acudir a OVO non a deixedes pasar, non hai tantos momentos para soñar cando es maior e afastarse da realidade de cando en vez é o mellor ansiolítico que ides atopar.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies