O Centro de Súper Computación de Galicia, CESGA, celebra a semana da ciencia cun concerto de Rakhat-Bi Abdyssagin baixo o título de “A unión da música e cuántica”
O CESGA trae a Compostela a un dos máis interesantes compositores da actualidade, o kazajo Rakhat-Bi Abdyssagin. Autor das óperas The Sunlit Path (2019), The Mysterious Lady (2019) e The Bruce (2023), e de máis de 150 composicións musicais, que van desde pezas de cámara ata obras sinfónicas, como The Will to Live, God’s Dwelling, Beyond the Darkness ou Time Run; algúns o comparan con Mozart.
Rakhat-Bi Abdyssagin (Almatý, Kazajistán, 1999), leva compoñendo música desde os nove anos. Ademais de esa faceta creativa é teórico musical, investigador e doutor en Filosofía.
Actividades
Esta é a súa primeira visita a Galicia e, durante a súa estadía, ten programadas tres actividades para a comunidade investigadora e o público en xeral. Comezará o mércores 26 de novembro cun Seminario especializado. Este encontro entre Abdyssagin e a comunidade cuántica galega ofrece unha oportunidade para reflexionar, desde unha perspectiva científica, sobre os conceptos presentados no seu libro “Mecánica cuántica e música de vangarda: sombras do baleiro”.
Entre outros aspectos, explorará a relación entre os avances na mecánica cuántica e as innovacións na composición musical. A cita ás10:00 h na sala de conferencias do IGFAE.
O xoves, 27 de novembro impartirá a charla “Mecánica cuántica e música de vangarda: Sombras do baleiro”, unha presentación para o público xeral sobre o seu libro homónimo, publicado en 2024 pola prestixiosa editorial científica Springer. A cita ás sete da tarde no auditorio do CGAC con entrada gratuíta ata completar aforo.
Xa o venres 28 dará un recital de piano, ás oito da tarde no auditorio CGAC, con entrada gratuíta ata completar aforo. O programa do concerto é o seguinte:
◦ Frédéric François Chopin, Fantaisie-Impromptu en Do sostenido menor, Op. posth. 66, WN 46
◦ Johann Sebastian Bach, Preludio y Fuga en Do mayor, BWV 846.
◦ Wolfgang Amadeus Mozart, Fantasía en Re menor, KV 397/385g.
◦ Ludwig van Beethoven, Für Elise Bagatelle No. 25 en La menor, WoO 59, Bia 515.
◦ Frédéric François Chopin, Balada No. 1 en Sol menor, Op. 23.
◦ Frédéric François Chopin, Nocturno en Do sostenido menor, Op. posth.
◦ Frédéric François Chopin, Waltz en Mi menor.
◦ Franz Liszt, Años de peregrinaje. Primer año: Suiza. S.160, Orage.
◦ Alexander Scriabin, Estudio en Re sostenido menor, Op. 8, No. 12.
◦ Rakhat-Bi Abdyssagin, Rondine Piangente (2012)
Máis sobre Rakhat-Bi Abdyssagin
A música de Rakhat-Bi interprétase en prestixiosas salas de concertos como a Filharmónica de Berlín, a Konzerthaus de Berlín, a Konzerthaus de Viena, o Mozarteum de Salzburgo, o Carnegie Hall de Nova York e o Royal Festival Hall de Londres.
Á idade de 19 anos, ofreceu un recital en solitario no histórico piano de Tchaikovsky na súa casa-museo en Klin, Rusia. En 2024, a súa ópera catedralicia, *The Bruce*, estreouse na Catedral de Glasgow, na Catedral de San Giles de Edimburgo, na Catedral de San Andrés e na Abadía de Dunfermline.
Actividade divulgativa e investigadora
Participou nas Academias Impuls de Graz e noutros festivais. Dende os 13 anos, imparte conferencias a nivel internacional. É autor de artigos académicos e libros de texto. Aos 12 anos, publicou unha colección das súas composicións musicais titulada “Facets of Harmony”. Aos 14 anos, publicou unha obra única titulada “Mathematics and Contemporary Music”. Rakhat-Bi tamén foi profesor visitante nas universidades de Oxford, Cambridge e UCL.
En 2024, Springer Nature, a prestixiosa editorial científica coñecida por publicar as obras innovadoras de Einstein, Planck, Pauli e Heisenberg, publicou o libro do compositor kazako “Quantum Mechanics and Avant-Garde Music: Shadows of the Void”.
Sobre «Quantum Mechanics and Avant-Guarde Music: Shadows of the Void»
A presentación abarcará as diversas conexións entre a física cuántica e a música contemporánea, desde as interrelacións cronolóxicas ata as correlacións metafóricas entre fenómenos fundamentais da mecánica cuántica, como o principio de incerteza de Heisenberg, o principio de exclusión de Pauli e o entrelazamento cuántico; e o seu reflexo na estrutura de composicións musicais seleccionadas de Karlheinz Stockhausen, John Cage, Arnold Schoenberg e outros, así como en técnicas de interpretación específicas.
Rakhat-Bi Abdyssagin tamén falará sobre o papel da música clásica nas vidas e obras de grandes científicos como Albert Einstein, Max Planck, Max Born, Werner Heisenberg e outros. Finalmente, haberá tempo para a reflexión, abordando os aspectos máis filosóficos da teoría cuántica e a relatividade.
QUORUM SPAIN é un proxecto subvencionado polo CDTI e financiado con fondos Next Generation da Unión Europea a través do Plan de Recuperación, Transformación e Resiliencia.
