Compostela, 4 de setembro do 2019 – A Casa das Crechas volve a actividade cultural coa actuación este xoves de Gerson Tineo Trío a partir das nove da noite.
Gerson Tineo comeza os seus estudos de piano aos 11 anos. Desenvolveuse no campo académico combinándoo con outros campos musicais. Da man de profesores europeos e centros de formación musical actualmente está a rematar a última etapa do seu grao en música. Participou en varias clases maxistrais con figuras como Ivan Klansky, no campo académico e Michael Camilo no campo do jazz. Ten participacións en diversas producións musicais, en diferentes estilos.
Gerson Tineo Trío naceu da preocupación pola interpretación ou adaptación de xéneros musicais de todo o mundo levados ao campo do xénero jazzístico. Esta preocupación é compoñentes comúns do trío. A música de vangarda de hoxe busca recuperar estilos musicais étnicos e adaptalos aos estilos máis clásicos para o que o jazz é máis que unha ponte e unha moderna xanela de exposición musical.
Gerson Tineo, piano
Alfonso Morán, contrabaixo
LAR Legido, batería
