As imaxes formarán parte dun programa sobre o Camiño de Santiago. A televisión pública británica gravará este sábado o Santo Vía Crucis.
A cadea pública británica, a BBC, está preparando un programa sobre o Camiño de Santiago e coma parte da reportaxe gravará este sábado o Santo Vía Crucis da Semana Santa. O programa leva por título “World’s Most Amazing Walks” e está presentado polo actor e condutor británico Robson Green.
O episodio estará dedicado ao Camiño Francés, a ruta máis popular do Camiño de Santiago, e mostrará a experiencia do presentador ao longo do percorrido: as paisaxes, a historia, a gastronomía, as persoas e a riqueza cultural do itinerario.
O Exercicio da Santo Vía Crucis foi elixido para formar parte deste episodio pola súa forte carga simbólica e espiritual, representando a dimensión máis humana e relixiosa do Camiño. A gravación permitirá mostrar nunha produción de alcance internacional o valor patrimonial, cultural e litúrxico dun exercicio no que participan todas as confrarías da cidade e que é presidido polo arcebispo de Santiago, monseñor Francisco José Prieto.
Ademais, tamén está prevista a intervención da presidenta da Xunta de Confrarías da Semana Santa de Santiago, Elena Bernárdez, quen achegará a súa visión sobre o significado da Vía Crucis dentro da Semana Santa da cidade.
A presenza da BBC na Semana Santa de Santiago reforza o crecente interese internacional polo Camiño como experiencia transformadora e consolida a Compostela como referente cultural, espiritual e de acollida.
A BBC
A BBC é unha das cadeas de televisión máis reputadas de todo o mundo. Comezou a emitir en 1936 e ao longo da súa historia definiuse pola súa independencia e seriedade na información que transmite.
Algúns dos mellores programas de televisión naceron na BBC ao longo da súa historia. Desde series como Doctor Who ou Downton Abbey ata programas como Top Gear ou BBC Earth sobre natureza.
A presenza de Compostela e a Semana Santa na televisión pública británica é unha garantía de difusión internacional.
