Compostela, 4 de outubro do 2022 – Esta semana, e con entrada de balde, a Real Filharmonía de Galicia volve a sair a rúa e dará tres concertos nos barrios de Compostela.
As citas coa Real Filharmonía serán no Centro Cultural Santa Marta, día 5, no Centro Comercial Área Central, día 6, e na Igrexa de Conxo, día 7. Todos as sete e media da tarde.
Os recitais, que estarán dirixidos polo mestre Paul Daniel, ofrecerán fragmentos da Sinfonía nº1 en Do Maior de Ludwig van Beethoven, a Sinfonía nº4 en La maior de Felix Mendelssohn e a obra Aux étoiles (Ás Estrelas) de Henri Duparc.
Serán os últimos concertos que ofrecerá a Real Filharmonía de Galicia antes de comezar a temporada de abono, que levará por nome ‘Escoitar o mundo’. O primeiro concerto da nova tempada será o vindeiro xoves 13 no Auditorio de Galicia cun concerto dirixido por Can Okan e co pianista Fazil Say como solista.
