займ срочно

Asociacións veciñais de Compostela piden a regulación dos pisos turísticos

0

Compostela, 22 de xullo do 2022 – Nove asociacións de veciños de distintos puntos de Santiago veñen de emitir un comunicado pedindo a regulación das vivendas de uso turístico.

O comunicado parte de asociacións situadas en lugares tan dispares como Vistalegre, o Ensanche, Conxo ou o mesmo Casco Histórico. Explican que a falta de norma para as vivendas de uso turístico ocasiona un impacto negativo na convivencia veciñal.

As asociacións ven tamén con preocupación o incremento de prezos no aluguer de vivenda. Consideran que o aumento de prezos sumado á baixada de oferta provoca a marcha de posibles veciños, ou estudantes, fora da cidade.

Engaden que é volver a unha situación de hai décadas na que “a xente nova ou con menos recursos ten que emigrar cara outros concellos limítrofes na busca de vivenda. Este é un enorme prexuízo a Compostela, ao seu futuro e á súa identidade histórica como cidade estudantil”.

Estas asociacións mostran tamén o seu apoio á Plataforma PREVITUGA e ás medidas tomadas polo Concello de Santiago de Compostela no proceso de regulación municipal das vivendas de uso turístico e animan á veciñanza a facer unha reflexión colectiva sobre o odelo de cidade.

Asinan este comunicado as s Asociacións Veciñais de Santiago de Carballal; AV Plataforma de Galeras; AV A Xuntanza do Barrio de San Pedro; AV Vedesma de Santa Marta/Choupana; AV Álvaro Cunqueiro de Vista Alegre; AV Fonseca da Cidade Histórica; Colectivo Barrio Xardín da Zona Nova; AV Conxo Aberto; AV As Marías de Basquiños/Rúa de Abaixo e AV Raigame da Zona Nova.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies