O centro comercial Área Central organiza o torneo de speedcubing “Camino de Santiago Open 2025” na procura dos máis rápidos en resolver o cubo de Rubik.
Para moitos é unha lembranza da infancia, para outros un entretemento e para algúns un tema moi serio. O cubo de Rubik non deixou de acumular afeccionados desde que en 1980 o húngaro Erno Rubik licenciara a idea que tivera seis anos antes.
Este quebracabezas mecánico tridimensional é o centro de milleiros de torneos por todo o mundo para competir por ser o máis rápido en resolvelo, é o denominado speedcubing. Polo momento a nivel mundial é o estadounidense Max Park que o ten en 3,1 segundos na modalidade 3x3x3.
A competición que veremos en Área Central está organizada pola Asociación Galega de Speedcubing. Será este sábado 5 de abril e leva por nome “Camiño de Santiago Open 2025”. Están anotado un total de sesenta participantes de todas as idades, desde pequenos a persoas maiores e proceden de varios puntos de España e Portugal.
As categorías non quedan nos clásicos 3×3, 2×2 e 4×4. As opcións multiplícanse e neste torneo haberá as modalidades Pyraminx, Skewb, Megaminx e Clock. Ademais, a dificultade aumenta cando existe a variedade 3×3 a cegas: hai competidores que o resolven nun minuto cos ollos vendados.
Na categoría de Clock este sábado estará presente Sergio Márquez, que ostenta a marca nacional de single, cunha única resolución en 2,52 segundos. Ademais, en Área Central tamén estarán presentes novos promesas galegas como Daniel e Teo Cabezudo, Ana Igrexas e Brais Suárez, que posúen diversas marcas galegas en varias categorías, como 2×2, 3×3 e Clock.
O campionato “Camiño de Santiago Open 2025” é o primeiro torneo que se celebra na provincia da Coruña e o segundo en Galicia nos últimos 17 anos. Os amantes a este xogo terán este sábado en Área Central unha oportunidade única para competir; pero tamén como punto de encontro entre eles e como ocasión para difundir e dar a coñecer a súa afección.
O speedcubing non é unha simple competición de velocidade. É unha actividade que fomenta a concentración, a perseveranza e o uso de técnicas para a resolución de problemas.
Taller de iniciación ao speedcubing
A organización tamén celebrará un taller de speedcubing. Será tamén este sábado 5 de abril, en horario de 12.30 a 13.30 horas. O taller contará con quince prazas e estará aberto a quen queiran aprender a resolver cubos e iniciarse nesta afección. Para participar non é necesario inscribirse pero os interesados deben estar na zona do torneo uns minutos antes para poder ocupar unha do quince prazas dispoñibles. Esta orixinal actividade complétase cunha caseta de venda de gran variedade de cubos de rubik da tenda Ukubom.
