Compostela, 16 de febreiro do 2022 – O concello de Santiago aprobou de xeito inicial o orzamento anual co voto favorable do Psoe, as abstencións de Compostela Aberta e BNG e o voto en contra do PP.
Imaxe de arquivo
O orzamento ascende a 129.829.373,12 euros. Crece un 3,85% con respecto ao ano anterior e, según a Concelleira de Facenda Marta Abal, é un “orzamento ambicioso e sensato, á altura das necesidades da capital de Galicia”
Crece o gasto social
O orzamento do 2022 de Compostela incrementa o gasto social. Unha das partidas que máis aumenta. un 24%, e a destinada ao Servizo de Axuda no Fogar, o SAF, que supera os tres millóns e medio. Os prgramas destinados á muller suben un 54%, os de mocidade crecen un 15% e os de emprego un 34%.
Sen ser gasto social destaca tamén o esfor por ampliar e mellorar o abastecemento de auga que sube o investimento nun 119% con respecto ao 2021.
Outras partidas
Tamén aumenta o investimento destinado ao comercio e a hostalería, un 85%, debido ao fomento do consumo local con distintos programas e campañas.
A promoción turística supera os tres millóns e medio e crece un sete por cento.
Pola súa banda a educación crece un 23% no orzamento destinado ás escolas infantís e un 35% no caso dos comedores escolares.
Abstencións de Compostela Aberta e BNG
Compostela Aberta tirou algúns compromisos da negociación pero xustifica a súa abstención na “pouca ambición no gasto social, que non chega nin ao dez por cento” e critica que non se recupera a renda infantil ou a dotación da renda de garantía salarial.
O BNG pola súa banda considera que o orzamento chega tarde e mostra a súa preocupación pola baixa execución no 2021. Os nacionalistas engaden que “Entendemos que temos que facer un esforzo e remar para que se execute o que se orza, facerlle un seguimento e que poida ser unha realidade”.
Crítica do PP
O Partido Popular dixo que o crecemento de 100 a 130 millóns en seis anos non se xustifica nin acredita unha mellora dos servizos públicos. Os populares engaden que “unha progresiva confluencia orzamentaria da esquerda tripartita que btraerá o triplo de gasto superfluo e o triplo de esforzo fiscal”
