Compostela, 7 de outubro do 2019 – Rematou unha edición de Curtocircuíto marcada polo éxito de público en cada sesión, a que recuperou o traballo do Equipo Lupa e a preestrea de O que arde son dous bos exemplos da tónica xeral.
O Teatro Principal acollía na noite de onte domingo a entrega de galardóns do Curtocircuíto 2019, en ela All these creatures, de Charles Williams conseguía o premio do público do festival.
Os premios
O resto do palmarés foi o seguinte
O Xurado Radar composto por Kevin B. Lee, Paolo Bertolin e Mercedes Martínez concédelle o Premio Radar á mellor curtametraxe da sección a The Sasha, de María Molina.
O Xurado Explora, composto por Laura Huertas Millán, Eve Heller e Rocío Mesa concluíu que o Premio Explora á mellor curtametraxe da sección é para ALTIPLANO, de Malena Szlam. O xurado concédelle tamén unha mención especial a La Bala de Sandoval, de Jean-Jacques Martinod.
O xurado de Planeta GZ composto por Ana David, Lúa Ribeira e Nico Combarro concluíu que o Premio Galiza á mellor curtametraxe galega a En la Boca da Mina, de Brandán Cerviño. O xurado concédelle unha mención especial a Rexistros (Xeografía de San Sadurniño), de Adrián Canoura
O xurado de Penínsulas composto por Ana David, Lúa Ribeira e Nico Combarro concluíu que o Premio Penínsulas á mellor curtametraxe da sección, patrocinado por RC Service é para Urpean Lurra, de Maddi Barber. O xurado concédelle tamén unha mención especial a Leyenda dorada, de Chema García Ibarra e Ion de Sosa
O Xurado Novo, composto por Iria Loira, Ana Díez, Aldara Pagán, Breogán Martínez, Antía Carreira, Andrés Sanjurjo e Manuel Blanco concédelle o Premio do Xurado Novo á mellor curtametraxe a Mensch Maschine or Putting Parts Together, de Adina Camhy, da sección Explora.
O Xurado CREA, composto por Toño Chouza, Gael Herrera e Rafa de los Arcos concédelle o Premio CREA á Mellor dirección galega a Lucía Estévez por Arrolo.
O Xurado AGAG, composto por Andrés Castro, Sara Gómez e Paulo Rubal concédelle o Premio AGAG ao Mellor guión galego a Limbo, de Dani Viqueira. O xurado outórgalle tamén unha mención especial a 16 de decembro, de Álvaro Gago.
O Xurado CAMIRA, composto por Marta Pérez Pereiro, Eloy Domínguez Serén e Antonio M. Arenas concluíu que o Premio CAMIRA á Mellor curtametraxe é para Operation Jane Walk, de Leonhard Müllner e Robin Klengel. O xurado quere concederlle tamén unha mención especial a La Bala de Sandoval, de Jean-Jacques Martinod.
O Premio #OutraCompostela é para Verstand Projekt, de Aida Raíndo Vázquez, Mauro Méndez Martínez, Alba Pose Castro, Martín Mondragón Rivadulla e Josep Cabo González. A mención especial de #OutraCompostela é para Exeria, de Xoán Fernández Diz, Miguel González Fernández, Lucía Ramiro Taboada e Laura Soutullo García.
Finalmente o xa mencionado Premio do público é para All these creatures, de Charles Williams.
