.
Compostela, 21 de febreiro do 2022 – Aínda pendentes de festas gastronómicas e Entroido. Compostela xa mira cara o 8 de marzo e a homenaxe ás mulleres.
Este 2022 Santiago porá o foco na igualdade e homenaxeará a mulleres e colectivos que forman parte da historia da cidade. O acto central terá lugar na Sala Mozart do Auditorio de Galicia, o luns 7 de marzo, ás 19:00 h.
A igualdade
A concelleira de Igualdade, Mercedes Rosón, presentou os colectivos e mulleres aos que se dedicará esta xornada.
Un de eses grupos e o das 140 mulleres do Servizo de Atención no Fogar, o SAF, “un servizo excepcional”, segundo a concelleira, que “sempre, pero en especial durante a pandemia, contribuíu e contribúe a mellorar a vida da veciñanza”.
A concellaría de Igualdade cumpriu a finais do 2021 30 anos de traxectoria. A homenaxe terá unha meción especial para o CIM, o Centro de Atención á Muller de Santiago de Compostela, e “in memoriam” a Esther Hermida a primeira avogada que prestou servizos na Oficina da Muller.
Mulleres de Compostela
E as mulleres, Mulleres de Compostela.
Marilar Aleixandre, Escritora, traductora, bióloga e catedrática da USC; Luz Fandiño, poeta e activista social nacida no barrio do Sar;
Jose Castro, artesá e Premio Nacional de Artesanía; María de la Fuente, licenciada en Farmacia pola USC, investigadora e co-fundadora da empresa Diversa Technologies;
Sara Santos, empresaria de hostalería; Cleo Martínez Ronda, da asociación Vagalume;
María Deus, veciña de Busto en representación de todas as mulleres do rural; Rosa Cerqueiro, psicóloga clínica do Sergas (Servizo Galego de Saúde);
Hermitas Silva, perruqueira do barrio de San Roque; e Ruth Lorenzo, subcampioa de España de Karate.
