Compostela, 16 de novembro do 2018 – Unha nutrida representación do concello, da Asociación de Hostalería, de Turismo de Santiago, xornalistas e amigos abriron o Santiago é Tapas no gastro bar Artesana de Álvaro Pérez gañador da edición 2018.
Unha vez máis quedou demostrado que o Santiago é Tapas serve para pasar bos momentos e, pese a ter pleno pola tarde, os concelleiros riron e disfrutaron da presentación do certame. En esta edición Álvaro xoga aos equívocos con dúas tapas que non son o que parecen tal é como nos contaba
Todos os presentes ficaron sorprendidos e por iso mesmo non desvelaremos o que levan estas dúas tapas para que o lector se anime a descubrilo.
Moito por probar e unha gran final
Santiago(é)Tapas celebra a súa undécima edición con 68 locais participantes, que presentarán 101 tapas a concurso ata o 2 de decembro.
Esta nova edición do concurso de tapas de Santiago, coorganizado por Turismo de Santiago e a Asociación Hostalaría Compostela, conta con importantes novidades, entre as que destaca que terá por primeira vez unha gran final, na que participarán 10 tapas finalistas.
A gran final de Santiago(é)Tapas nace co obxectivo de darlle ao público a posibilidade de probar e valorar as tapas que o xurado considera as dez mellores do evento. Ademais, dende o punto de vista turístico, a final do concurso pode promocionarse coma un evento en si mesmo, con capacidade para a atraer a público foráneo aproveitando a ponte que terá lugar nesas
datas. A organización comunicará públicamente o día 3 de decembro o listado destas dez tapas, escollidas por un xurado profesional. A gran final celebrarase do 7 ao 9 decembro. Os establecementos con tapas finalistas teñen a obriga de ofrecer durante estes tres días a súa tapa ao público. A elección das tapas gañadoras entre as finalistas farase unindo a valoración do xurado profesional e o voto popular emitido durante os tres días da final.
Outra das novidades importantes da edición deste ano é unha nova distribución dos premios do concurso. Haberá un Primeiro Premio Santiago(é)tapas, dotado con 1.000 euros, un Segundo Premio Santiago(é)tapas, dotado con 500 euros, e un Terceiro Premio Santiago(é)tapas, dotado con 500 euros en produto. Ademais, este ano o público premiará directamente cos seus votos emitidos entre o 15 de novembro e o 2 de decembro a dúas tapas. A Primeira Tapa do Público recibirá 700 euros euros e a segunda, 300 euros.
A maiores, este ano modifícase o premio PREMIO(É)TAPAS+ co obxecto de dinamizar o concurso a través das redes sociais. O premio estará aberto por primeira vez a calquera persoa ou colectivo que difunda o concurso a través das seguintes redes sociais: Facebook e Instagram. Este premio está dotado con 700 euros.
Finalmente, outra das novidades principais da edición deste ano é que se lle da liberdade aos locais participantes a que fixen o prezo das súas tapas a concurso, cun mínimo de 1,5 euros e un máximo de 3,5. Todas as tapas deben incluír polo menos 1 produto pertencente a algunha das Denominacións de Orixe ou Indicacións Xeográficas Protexidas de Galicia.
Por cuarta edición consecutiva, Santiago(é)Tapas está organizado de modo conxunto por Turismo de Santiago e a Asociación Hostalaría Compostela, nun modelo de coparticipación entre o Concello e o sector privado da cidade. Ademaís, Santiago(é)tapas conta con Mahou como patrocinador principal e co patrocinio xa tradicional de Cash Récord e Coca Cola. Conta ademais coa colaboración institucional da Deputación de A Coruña.
