Padrón, 21 de maio do 2018 – Os corredores do Club Ciclista Padronés Cortizo- Anova, Aser Estévez e Anxo Lorenzo, leváronse os títulos autonómicos de campións galegos de contrarreloxo e en ruta, respectivamente, disputados esta semana.
O xoves, Día dás Letras Galegas, celebrouse en Cerceda o Campionato Galego de Contrarreloxo, onde Aser Estévez aspiraba a conseguir o seu undécimo título autonómico. E non defraudou. O guardés foi o máis rápido e revalidou o seu título acompañado no podio polos seus compañeiros Jesús Nanclares (segundo na xeral) e Samuel Branco, terceiro na xeral e subcampión galego desta modalidade nun magnífico resultado para o Club Ciclista.
O título de Campión Galego en Liña decidíase este domingo, en Culleredo, e o Cortizo- Anova saía de novo a por a vitoria. Jesús Nanclares e Anxo Lorenzo foron escapados máis da metade da xornada conseguindo finalmente o obxectivo. Nanclares proclamouse vencedor da proba, seguido de Lorenzo, que se alzaba Campión Galego en Liña. O terceiro posto foi para Jorge Martín Montenegro, volvendo copar as cores do Cortizo- Anova o total do podio.
