Compostela, 24 de xullo do 2017 – Un ano máis a noite do 24 é a máis esperada para disfrutar do espectáculo dos Fogos do Apóstolo.
Antes de que chegue ese momento os xigantes e cabezudos sairán as 12 do mediodía da Quintana para comezar a animar a xornada.
A tarde será tranquila sen actividades que volverán as 10 da noite cun concerto, previo aos Fogos do Apóstolo, para non perderse. Abrirán o escenario so australianos The Chevelles, unha banda formada en 1989 que xirou por noso país en numerosas ocasións pero tamén polos USA, o Reino Unido, Asia ou Latinoamérica. Eles mesmos din que son unha mestura dos Ramones cos Who.
A continuación os veciños The Gift que chegan desde Portugal. The Gift se crearon no 1994 e desde entón foron pouco a pouco comendose Europa ata que no 2005 conseguían o MTV Europe Music Awards. A última sorpresa chegou en este mesmo ano cando en xaneiro sacaban un novo single producido polo mítico Brian Eno fundador de Roxy Music.
E a partir das 23.30 o espectáculo de Fogos do Apóstolo na praza do Obradoiro que, na parte audiovisual, repetirase tamén o 25 e o 26.
A xornada rematará coa verbena na Alameda e co concerto de Dayna Kurtz & Rober Machi, blues e soul cunha calidade altísima para unha cita intimista perfecta para o pequeno escenario do Toural.
