Noia, 3 de marzo do 2022 – O Departamento de Cultura do concello de Noia leva ao Coliseo Noela “A lingua das bolboretas” de Manolo Rivas.
Sarabela Teatro estará en Noia o vindeiro 12 de marzo. Gonçalo Guerreiro é o responsable da dirección da versión teatral do libro “A lingua das bolboretas”.
As entradas xa están dispoñibles en ataquilla.com, tamén se poderán mercar o día da función a partir das 19:30 a 20:15 horas no portelo do Teatro.
A lingua das bolboretas
No 1999 o director de cine José Luís Cuerda estreou La engua de las mariposas, unha versión do libro de Manolo Rivas que levou á fama esta obra. Sarabela Teatro ofrécenos a súa propia visión teatral da historia do alumno, o profesor e a liberdade. O rapaz vivirá a dureza dunha guerra civil encarnada na represesión ao seu mestre, Pero a obra mostra tamén a beleza de ensinar, a importancia da educación e da relación mestre alumno.
Sarabela teatro
Con esta obra Sarabela teatro celebra os seus corenta anos enriba dos escenarios. Como din na súa web “Para nós facer teatro é, por unha banda, unha necesidade vital, e, por outra, a paixón inevitable dun grupo de exploradores, aquelas e aqueles que decidimos vivir coa alta vixilia do poeta“.