Compostela, 13 de abril do 2021 – A Asociaciónj Cultural O Galo organiza a charla “Virxina Pereira / Daniel Castelao. Loita galeguista e antifascista”.
A charla terá lugar no salón de actos do Museo das Peregrinacións, na Praza de Praterias, este mércores 14 ás 19:30h. No acto intervirán Monset Fajardo. Xornalista e autora do libro A vida incerta. Biografia de Virxinia Pereira, e Xoan Carlos Garrido, Catedrático de ensino medio e estudoso do artista e político Alfonso Daniel R. Castelao.
En A vida incerta. Biografia de Virxinia Pereira, Monset Fajardo, concorre outra vez mais a visibilización da labor das mulleres antifascistas. As súas contribucións neste eido son notorias e abranguen publicacións, comisariados de mostras, asesorías en audiovisuais, palestras, etc. A monografía citada é unha documentada contribución para desterrar a crenza de que Virxinia Pereira desenvolveu un escasísimo roll na loita do galeguismo contra o franquismo.
Así mesmo, esta palestra inscríbese dentro do traballo de investigación e difusión desenvolvido arredor de Castelao, polo profesor Xoan Carlos Garrido. As súas aportación encol do político son moi coñecidas e referentes para outras pescudas posteriores, basta con lembrar que el foi quen publicou e contextualizou os informes que a Axenza de Información de EEUU (CIA) realizou sobre Daniel R. Castelao.
Neste acto, cumpriranse todas as normas anti COVID19 establecidas polas autoridades sanitarias.