Teo, 28 de febreiro do 2022 – O futuro centro de saúde de Teo construirase na parcela da Ramallosa e manterase o servicio na urbanización dos Tilos.
A nova sae dunha reunión mantida polos voceiros dos partidos de Teo con representación (Psoe, BNG e PP) e o alcalde Rafa Sisto (Son de Teo) co conselleiro de Sanidade, Julio Comesaña, e con Eloína Núñez, xerente da área sanitaria de Santiago.
Desde o concello considérase que foi unha reunión produtiva que despexou as dudas sobre o adecuado da parcela da Ramallosa. Todos coincidiron en que esa ubicación para o centro de saúde é a máis axeitada para atender a gran parte da poboación de Teo.
Abreviar prazos
O uso da parcela da Ramallosa por parte do Sergas reducirá o tempo de tramitación. O concello está en disposición de ceder xa os terreos o que permite que o proxecto seiga adiante sen o parón que suporía buscar outros espazos.
O novo centro de saúde incrementará os servizos actuais de que dispón Teo en especialidades como pediatría ou enfermería. Se engaden ademais consulta de farmacia, área bucodental con 2 consultas, 3 consultas polivalentes para a realización de técnicas, sala de educación sanitaria, 1 despacho de coordinación e sala de atención ao usuario.
Manter o servizo dos Tilos
A Xunta mostrase disposta tamén a manter aberto o centro dos Tilos e entende o necesario do servizo. Remata así a polémica xerada nas últimas semanas que provocou a mobilización veciñal.
En todo caso como contamos no mes de novembro o centro de saúde forma parte da segunda fase da planificación do SERGAS polo que a súa construción no comezaría antes do 2023 e a entrada en servizo sería de cara ao 2024.