Bisbarra, 18 de xaneiro do 2021 – Si hai uns días contabamos que os casos de Covid nos centros educativos seguiron subindo nas vacacións o incremento chegou este sábado aos 300 positivos.
Desde o mes de outubro os casos de positivos por Covid nos colexios e institutos da Área Sanitaria non baixaron da centena desde o mes de outubro. A Compañía de María con 13 casos e Nuestra Señora de los remedios con 9, os dous de Santiago, son os máis afectados pero hai moitos con 6, 5 e 4 casos.
O pasado venres o alcalde de Santiago, ao que Lindeiros preguntou por este tema, explicaba que os problemas están nas familias e os nenos son parte delas
Xosé Sánchez Bugallo poñía como exemplo os casos rexistrados no concello e mostrábase pesimista sobre o efecto do confinamento perimetral
En todo caso prefería non posicionarse sobre a posibilidade dun confinamento nas vivendas e dicía que ese tipo de declaracións só axuda a crear confusión
A bisbarra no peor momento
A situación da bisbarra é das peores ata o momento con un total de 2.245 casos activos na Área sanitaria. A revisión das cifras de diagnósticos nos últimos catorce días da conta da situación: Ames 146, Santiago 494, Boiro 72, Noia 75. A Estrada 65, Val do Dubra 52, Ordes 40, Oroso 39, Negreira 31 son os peores casos e o de todos os concellos pódense consultar aquí.
