Imaxe de arquivo dun pleno en Padrón no ano 2022
Padrón, 28/06/2026 – Pese a sentenza que condea a un traballador do cocello de Padrón por acoso sexual, a polémica segue e o BNG local segue pedindo desculpas do alcalde e o despedimento do acosador.
O último pleno rematou a quedan de preguntas coa expulsión da concelleira nacionalista Beatriz Rei expulsada da sesión. O BNG acusa ó alcalde de “autoritarismo e censura” e manifestou a súa total indignación ante estes feitos.
Era a quenda de preguntas e Beatriz Rei relatou os feitos acontecidos desde o inicio; o alcalde Anxo Arca lembroulle que tiña que facer unha pregunta e Rei contestoulle que tiña dez minutos para facer unha exposición previa dos feitos.
Despois de preguntar do porque non era despedido o acosador o alcalde trasladou as explicacións á secretaria. O cruce de declaracións continuo ata que finalmente o alcalde, Anxo Rei, chamoulle a atención tres veces á concelleira para terminar expulsandoa. A continuación tedes o vídeo do sucedido.
A formación nacionalista cualifica os feitos de “atentado contra os dereitos democráticos” e un intento desesperado de silenciar a oposición nun tema de extrema gravidade institucional. Desde o BNG denúnciase que o tempo de intervención é unha simple escusa para aplicar unha “mordaza política”.
O grupo lembra que a gravidade do asunto —un caso de acoso sexual prolongado no tempo dentro do propio Concello— xustificaba sobradamente a contextualización da pregunta. Así mesmo, acusan o rexedor de empregar o regulamento de forma partidista e arbitraria, xa que a escusa utilizada non aparece en ningún apartado do Regulamento Orgánico Municipal polo que se rexe o Pleno.
Para o BNG “esta expulsión antidemocrática non é máis ca unha medida desesperada do alcalde para tratar de silenciar a quen revela o seu comportamento real: o de non poñerse do lado da vítima, feito aínda máis grave se cabe por tratarse dunha traballadora do propio concello. A actuación de Anxo Arca foi neglixente en todo este proceso e continúa a selo a día de hoxe”.
Desde o BNG téñeno claro “as mulleres de Padrón non precisamos alcaldes con poses feministas e posados en fotos de cara á galería, senón políticas reais que nos protexan de verdade cando se dan situacións de acoso. Non queremos alcaldes que se poñan de perfil e moito menos de lado do agresor”.
