Lalín, 25 de marzo do 2022 – A Casa do Patrón acolle o vindeiro domingo a presentación do libro Historias no Fumeiro Antropoloxía do Sentimento de Avelino Jácome Iglesias.
O Museo etnográfico de Codeseda ten axendado o acto para as doce do mediodía. “Historias do Fumeiro” é unha ponte antre a realidade e o mito da aldea.
O antropólogo Rafael Quintía di del “O libro que teñen nas mans está cheo de microcosmos, de lugares concretos situados entre a aldea e o mito, de sensacións, vivencias e emocións. De amor ao que somos e ao que fomos. Quen pode matar unha cegoña? Por que as almiñas precisan lampadiñas de aceite? Onde se pescan as mellores troitas no río? Por que na aldea todos axudan a todos? A que sabe a boroa con chourizo? Quen cantaba ao Pedro Chosco? Como se soporta a dor da emigración? Quen detén a anturuxada? Como soa un subiote? Quen creou un paraíso chamado Ribas do Asneiro?”
No acto intervirán Manuel Blanco Villar, director do Museo Etnográfico Casa do Patrón, e limiarista do libro; Javier Eneriz, crítico literario e autor do epílogo da obra; Miguel Ángel Martínez Coello, coñecido Pintor artista polifacético, que ilustra o libro con máis de 40 debuxos orixinais; Rafael Quintía Pereira, Antropólogo, Economista, Escritor e Documentalista, limiarista nesta obra, e o autor Avelino Jácome Iglesias.
