Presentación do cartel das Festas de Santo Isidro en Rois
Rois, 17/04/2026 – O concello de Rois prepara unha das súas festas máis importantes, a de San Isidro Labrador que chegará en maio, e como parte imprescindible está o cartel que servirá de imaxe pública da celebración.
Este ano o cartel gañador, tras a deliberación do xurado do concurso, foi o deseñado por María Dolores Busto Beade. A autora do cartel das Festas do Santo Isidro, veciña do municipio, convértese así na gañadora desta edición, nun certame no que se presentaron un total de 12 traballos.
O tribunal reuniuse este martes, 15 de abril, ás 11.00 horas, no edificio multiusos de Rois. Estivo integrado por Noelia Picadizo Villar, titulada en Deseño de moda; Antonio Villar Rodríguez, fotógrafo profesional; e Mercedes Basante Ares, en representación do Concello e por delegación do alcalde-presidente, Ramón Tojo Lens.
A proposta escollida será a imaxe oficial das festas patronais do Santo Isidro Labrador, converténdose no elemento gráfico que anunciará a celebración nas vindeiras semanas. Como recoñecemento, María Dolores Busto Beade recibirá un premio de 200 euros.
O Concello de Rois destaca a participación rexistrada nesta edición e a implicación das persoas creadoras que tomaron parte no concurso, contribuíndo a darlle forma á identidade visual dunha das citas máis destacadas do calendario festivo local.
